Amosi 2:2 - Tosi Tapu

² E kau kakau loa le afi ki Moape, Ti e kai loa e ia a fale sau o Kelisoti ; Ti e mate loa Moape i loto malie o le maveuveu, I loto malie o ni kalaga tau mo le tagi o fakatagi pupusi.

Amosi 2:2 ပူးပေါင်းရင်းမြစ်များ

Esaia 9:5

Talie kua tupu kia matou se toe, kua soli mai kia matou se vosa, Ti e teki loa le pule i lona tuauma ; E fakaigoa loa a ia ko Fulumalie, Tokoi, Atua mafimafi, Tamana lee gato, Aliki o le tokamalie.

Selemia 48:24

Ki Kelisoti, mo Potesela, mo kolo fuli o le fenua o Moape, Ala e mamao mo la e feofi.

Selemia 48:34

E logo a kalaga a Eseponi o kaku ki Eleale, Ti e kaku foki olatou leo ki Saate, Mei Tesoale o kaku ki Kolonaimi, mo Ekalate-Selisisa ; Talie kua maumau foki a vai o Nimelimi.

Selemia 48:41

Kua too Kelisoti, Kua too e le fili a kolo tau, Ti kua fai a mafu o tagata toa o Moape i le aso lena Pe le mafu o le fafine e fanau.

Selemia 48:45

I le malu o Eseponi e manavanava latou na sosola kua gagae ; Kae e ulu mai se afi mei Eseponi, Se ula mei loto malie o Sioni, E kai e ia a vakavaka o Moape, Ti mo tumuaki o le ulu o vosa o le maveuveu.

Esekiele 25:8

E folafola le Aliki, le Eteleno, o pati : O tupu na pati Moape mo Seili : Ko leinei, e fai le fale o Suta pe puleaga fuli !

Amosi 1:14

E kau kakau loa le afi ki paa o Lapa, Ti e kai loa e ia ona fale sau, I loto malie o ni kalaga tau i le aso o le tau, I loto malie o le asesio i le aso o le afa ;

Amosi 1:4

E kau kakau loa le afi ki le fale o Asaele, Ti e kai loa e ia a fale sau o Pene-Atate.