Amosi 2:15 - Tosi Tapu

¹⁵ Ko leia e too ia le kalolo e leaise mafai loa ke tuu, Ko leia e vae maamaa e leaise sao loa, Ti e leaise saofaki loa e le tagata ekeosi lona mauli ;

Amosi 2:15 ပူးပေါင်းရင်းမြစ်များ

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Esaia 31:3

Ko le tagata Esipito e tagata, kae e leaise Atua ; E kanofi ana osi kae e leaise laumalie. Ka falo loa e le Eteleno lona lima, E siga loa leia e tokoi, Ti e vilo loa ki lalo leia e fai ki ai le tokoi, Ti e la mamate loa toka lua.

Selemia 51:56

Io, kua oso le tagata maumau kiate ia, ki Papilone ; Kua too a tagata tau o Papilone, Kua fatifati alatou kalolo. Talie ko le Eteleno ko se Atua e totogi ia ki le tagata taki toka tasi o mulimuli ki ana gaoi, Ti e soli ia ki le tagata taki toka tasi lona totogi.

Esekiele 39:3

E kau fatii loa lau gasau i lou lima sema, Ti e vivilo loa au gasau i lou lima atamai.

Amosi 9:1

Na kau tio loa ki le Aliki leia na tuu i le aletale. Ti na pati a ia : Taai a puloga o pou lalasi ti ke galulu a uluaga o le fale tapu, Ti ke ke fatifatii latou ki olatou ulu o latou fuli ! E kau tamate loa le toega ki le seleta. E leaise feala loa ke mauli se tasi o sola, E leaise sao loa se tasi ia latou.

Akeseo 2:22

E kau maumaui loa le ekeekeaga fakasau o atu puleaga, E kau maumaui loa le makeke o atu puleaga, E kau maumaui loa a saliote tau mo latou ala e eke ai ; E tamate loa a osi mo tagata eke osi, Leia e le seleta a le leia ake.

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.