Amosi 2:14 - Tosi Tapu

¹⁴ Ko leia e mauvave e leaise mafai loa ke sola, Ko leia e makeke e leaise mafai loa ke fakaaoga ia lona makeke, Ti e leaise saofaki loa e le tagata toa lona mauli ;

Amosi 2:14 ပူးပေါင်းရင်းမြစ်များ

Sopo 11:20

Kae e gaegae loa a mata o le kau agaveli, e leaise se solaaga kia latou ; Ti ko le mate, ko lena lolatou amanaki fakamuli.

Pesalemo 33:16

E leaise ko se solia toka api leia e saofaki ia le sau, Ti e leaise ko se makeke lasi leia e saofaki ia le tagata toa.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Selemia 25:35

E leaise toe maua loa se mumuniaga ki le kau tausi manu, Ti e leaise toe maua loa se saofakiaga ki le kau takitaki o kau manu !

Selemia 39:4

I le tio loa a Setesiasi, sau o Suta, mo kau tagata tau fuli kia latou, na lotou sosola loa, ti na lotou mavae loa mei le kolo i le pouli i le ala o le oloto o le sau, mo le matapa i loto o paa e lua, ti na lotou too loa le ala o le toafa.

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Amosi 5:9

E lagai e ia le maumau ki le kau makeke, Ti e au le maumau ki kolo tau.