Amosi 2:12 - Tosi Tapu

¹² Kae na kotou fakainu le vino ki le kau nasilea ! Ti na kotou tuku ki le kau polofeta le fakatotonu leinei : Aua na kotou faikikite !

Amosi 2:12 ပူးပေါင်းရင်းမြစ်များ

Esaia 30:10

Ala e pati ki le kau faikikite : Aua na kotou tio ! Ti ki le kau polofeta : Aua na kotou fakasa mai kia matou ni maoki, Kae koutou fakasa mai kia matou ni nea logologo malie, Kotou kikite ni nea noa !

Selemia 11:21

Koia e folafola ai le Eteleno ki le kakai o Anatote, Ala e loto ki lou mauli, ti e pati : Aua na ke kikite i le suafa o le Eteleno, Pe ke mate loa i lomatou lima !

Selemia 35:5

Na kau tuku loa ki mua o le fale o le kau Lekape ni fa ipu lalasi kua apelepele i le vino mo ni ga ipu liliki, ti na kau pati loa kia latou : Kotou inu le vino !

Amosi 7:13

Kae aua na ke toe soko atu lau faikikite i Petele, talie ko le fale tapu o le sau, ti ko se fale fakasau.

Amosi 7:16

Koia ke ke fakalogo mai ai i le lakaga nei ki le folafola a le Eteleno, a koe leia e pati : Aua na ke kikite ki le fenua ko Iselaele, ti aua na ke masau ki le fale o Isaake.

Mikea 2:6

E lotou pati : Aua na kotou kikite ! Ke aua na kotou kikite ni nea fenaaki ! E leaise koi oki a lauveli !

Numelo 6:2

Masau ki fanau a Iselaele, ti ke pati loa kia latou : ka mavae loa se tagata pe ko se fafine talie na fai e ia le fakapapau o le nasilea, ke fakatapui a ia ki le Eteleno,

Numelo 6:3

e fakafiti loa a ia ki le vino mo kava makeke ; e leaise inu loa e ia se vinika leia na fai ki le vino, pe ko se vinika leia na fai ki se tasi ake a kava makeke. E leaise inu loa e ia se kava makeke leia na fai ki ni fuai vite, ti e leaise kai loa e ia ni fuai vite foou pe ko ni fuai vite malo.