Amosi 2:11 - Tosi Tapu

¹¹ Na kau lagai i okoutou vosa ni kau polofeta, Ti i okoutou tagata tupulaga ni kau nasilea. Pe na leaise soko maoki le nea lena, fanau o Iselaele ? e pati le Eteleno…

Amosi 2:11 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Uluaki tosi o Sau 19:16

E ke toe pani lolo loa mo Seu, vosa o Nimesi, ko le sau o Iselaele ; ti e ke pani lolo loa mo Eliseo, vosa o Sapate, mei Apele-Meola, ko le polofeta ke fetogi ai a koe.

Uluaki tosi o Sau 20:13

Kae ko leinei, na fakafeofi ake loa se polofeta kia Akapo, sau o Iselaele, o pati kiate ia : Ko leinei le folafola a le Eteleno : Pe kua ke tio ki le kakai api lena ? E kau tuku atu loa latou ki ou lima i le aso nei, ti e ke iloa loa ko au ko le Eteleno.

Uluaki tosi o Sau 20:35

Na pati loa se tasi i vosa o le kau polofeta ki lona kaukau nea, o mulimuli ki le fakatotonu a le Eteleno : Ke ke taai au ! Kae na leaise loto loa le tagata lena ki ai.

Uluaki tosi o Sau 20:41

Na too loa e le polofeta le kie leia na uufi ai ona mata, ti na iloa loa e le sau o Iselaele a ia, ko se tasi o le kau polofeta.

Uluaki tosi o Sau 22:8

Na tali loa le sau o Iselaele kia Sosafate : Koi i ai se tagata leia e feala ke tou afa ki ai le finegalo o le Eteleno ; kae e kau vesia kiate ia, talie e leaise kikite e ia se nea leia e malie kiate au, e kikite ata e ia le nea e veli : Ko Mikea, vosa o Simila. Ti na tali loa Sosafate : Ke aua se masau felaaki le sau !

Lua tosi o Sau 17:13

Na valoki loa e le Eteleno a Iselaele mo Suta ki ana polofeta fuli mo le kau kikite katoa, o pati kia latou : Kotou tafoki mai mei okoutou ala veveli, ti ke kotou tausi aku fakatotonu mo aku lao, o mulimuli katoa ki le lao leia na kau fakatotonu ki okoutou tamana ti na kau soli atu kia koutou i aku tagata fakasausau, le kau polofeta.

Lua tosi o Sau 6:1

Na pati loa a vosa o le kau polofeta kia Eliseo : Ko leinei, kua ikiiki kia tatou le ganea leinei e tou nonofo ai.

Lua tosi o Koloniko 36:15

Na tuku loa e le Eteleno, le Atua o olatou tamana, ki ana polofeta le kavega ke valoki latou koi tautonu, talie na loto a ia ke saofaki lona kakai mo lona nofoaga totonu.

Selemia 11:21

Koia e folafola ai le Eteleno ki le kakai o Anatote, Ala e loto ki lou mauli, ti e pati : Aua na ke kikite i le suafa o le Eteleno, Pe ke mate loa i lomatou lima !

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 2:5

E masau le Eteleno, o pati : Kolea le veli leia na maua e okoutou tamana iate au, Ke lotou fakamamao ai iate au, Ti ke lotou mulimuli ai i ni nea noa, Ke lotou liliu ai ko ni nea noa ?

Selemia 26:11

Ti na masau loa le kau faisakilifisio mo le kau polofeta ki le kau pule mo le kakai katoa, o pati : E tonu ke mate le tagata leinei, talie kua kikite a ia ki le kolo leinei ofaipe le nea leia kua logo ki ai okoutou taliga.

Selemia 7:25

Talu mei le aso leia na mavae ai okoutou tamana i le fenua o Esipito, O kaku mai ki le aso leinei, Na kau kakau atu kia koutou aku tagata fakasausau fuli, le kau polofeta, Na kau kakau atu latou kia koutou i aso fuli, mei le usu.

Tagi laulau a Selemia 4:7

Na gigila ake ona tama aliki i le nive, Na lotou kili tea ake i le sua u ; Na kulakula ake olatou tino i le lupi ; Na fai olatou mata pe le safile.

Mikea 2:6

E lotou pati : Aua na kotou kikite ! Ke aua na kotou kikite ni nea fenaaki ! E leaise koi oki a lauveli !

Gaoi 4:18

Ti na lotou kalagai loa laua, ti na lotou tapui fakamakeke loa kia laua le masau mo le akonaki i le suafa o Sesu.

Gaoi 5:28

Pe na leaise motou tapui fakamakeke atu kia koutou le akonaki i le igoa lena ? Ti ko leinei, kua kotou fakaapele Selusalemi ki lakoutou akonaki, ti e kotou loto ke vilo kia matou le toto o le tagata lena !

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.

Uluaki tosi a Samuele 19:20

Na kakau loa e Saulo ni tagata avelogo ke ano o tapo Tavite. Na lotou tio loa ki se kau polofeta na lolotoga masau fakakikite, ti na taki latou e Samuele. Na ulu loa le Laumalie o le Atua ki tagata avelogo a Saulo, ti na lotou folafola fakakikite loa mo latou foki.

Uluaki tosi a Samuele 3:20

Na iloa loa e Iselaele katoa, mei Tane o kaku ki Pele-Sepa, kua soko loa Samuele ko le polofeta a le Eteleno.