Amosi 1:9 - Tosi Tapu

⁹ Koia e folafola ai le Eteleno, o pati : O tupu ko agaveli e tolu a Tile, Ti e fa foki, e leaise kau toe fetogi laku fakatotonu, Talie na lotou ave fakapopula se kakai toka api ki Etome, Kae na leaise manatui e ia le sai fakatautaina.

Amosi 1:9 ပူးပေါင်းရင်းမြစ်များ

Lua tosi a Samuele 5:11

Na kakau loa e Ilame, sau o Tile, ni tagata avelogo kia Tavite, mo ni laakau ko le sete, mo ni kau tufuga papa, mo ni kau tufuga fatu, ala na fakatuu ia loa se fale kia Tavite.

Pesalemo 83:7

Ko falela o Etome, mo le faasiga o Isemaele, Mo Moape, mo le kau Akale,

Selemia 25:22

Ki sau fuli o Tile, mo sau fuli o Sitone, Ti mo sau fuli o atu motu o leia fetuu o le tai ;

Selemia 47:4

Talie kua soko mai le aso leia e maumaui ai loa le kau Filisitini katoa, Ti e tamate ai loa latou fuli ala koi tokoi ki Tile mo Sitone ; Talie e maumaui loa e le Eteleno le kau Filisitini, Mo toetoega o le motu ko Kafetoli.

Esekiele 27:1

Na tuku mai loa kiate au le folafola a le Eteleno, o pati :

Esekiele 27:27

Ti ko ou koloa, mo ou fale koloa, mo au gaoiaga fuli, Au matelo mo ou kapiteni, Au kau tufuga vaka mo au kau fai koloa, Au tagata tau fuli ala e nonofo iate koe, Ti mo le kakai fuli leia e nofo iate koe, E vivilo loa ki le loto tai, I le aso o lou vilo.

Esekiele 28:1

Na tuku mai loa kiate au le folafola a le Eteleno, o pati :

Esekiele 28:18

I le lasi o au agaveli, I le veli o lau fai koloa, Na ke fakakelekele ou sagatualio ; E kau fakamavae loa mei loto malie o ou se afi leia e kai ia loa a koe. E kau fakaliliu a koe ke mugalafu i le aluga o le kele, I mata o latou fuli ala e tio kiate koe.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 1:6

Koia e folafola ai le Eteleno, o pati : O tupu ko agaveli e tolu a Kasa, E fa foki, e leaise kau toe fetogi laku fakatotonu, Talie na lotou too se kakai toka api o ave ki le popula i Etome

Apetiasi 1:11

I le aso leia na ke tuu ai i ona mua, Le aso leia na ave popula ai lana kau tau e ni matapule, Le aso leia na ulu ai ni matapule i ona matapa, ti na lotou fai ai le toso ki Selusalemi, Ko koe foki na ke faipe se tasi o latou.

Sakalia 9:1

Folafola kikite, folafola a le Eteleno ki le fenua o Atalake ; E kaku foki lana folafola ki Tamaso, Talie e tuku e le Eteleno ona mata ki tagata fuli Ofaipe lana tio ki faasiga fuli o Iselaele ;

Mateo 11:21

Malaia kiate koe, Kolasini ! Malaia kiate koe, Petesaita ! Talie, kanapau na fai a milakulo ala na fai i loto malie o koutou i Tile mo Sitone, kua fualoa ake lolatou fakasemala, o too le taga mo le mugalafu.

Mateo 11:22

Koia, e kau pati atu ai kia koutou : I le aso o le fakamaau e tautea loa a Tile mo Sitone, o maamaa ake ia koutou.

Luka 10:13

Malaia kiate koe, Kolasini ! Malaia kiate koe, Petesaita ! Talie kanapau na fai i Tile mo Sitone a milakulo ala na fai i loto malie o kolua, kua fualoa ake lola fakasemala, o too le taga mo le mugalafu.

Luka 10:14

Koia, i le aso o le fakamaau, e tautea ai loa a Tile mo Sitone o maamaa ake ia koulua.