Amosi 1:6 - Tosi Tapu

⁶ Koia e folafola ai le Eteleno, o pati : O tupu ko agaveli e tolu a Kasa, E fa foki, e leaise kau toe fetogi laku fakatotonu, Talie na lotou too se kakai toka api o ave ki le popula i Etome

Amosi 1:6 ပူးပေါင်းရင်းမြစ်များ

Lua tosi o Koloniko 28:18

Na fai loa e le kau Filisitini se ulu tau ki kolo i le laumalie mo le potu saute o Suta ; na lotou too loa Pete-Semesi, mo Asaloni, mo Keteloti, mo Soko mo kolo ala na fakalogo ki ai, mo Timena mo kolo ala na fakalogo ki ai, mo Kimeso mo kolo ala na fakalogo ki ai, ti na lotou nonofo loa i ai.

Selemia 47:1

Ti na tuku loa le folafola a le Eteleno kia Selemia, le polofeta, o uiga mo le kau Filisitini, i mua o le taai o Kasa e Falaone.

Esekiele 35:5

O tupu na ke nofo fualoa mo lou vesia, O tupu na ke tamate ki le seleta a fanau a Iselaele, I le aso o lolatou mamae, I le aso leia na kaku ai le agaveli ki lona gatoaga,

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Soele 3:6

Na kotou fakatau a fanau o Suta mo Selusalemi ki le kau Keleka O tupu ke fakamamao latou i lolatou fenua.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 1:3

Koia e folafola ai le Eteleno, o pati : O tupu ko agaveli e tolu a Tamaso, E fa foki, e leaise kau toe fetogi laku fakatotonu, Talie kua lotou takatakafi Kalaate ki ni saliote ukamea.

Amosi 1:7

E kau kakau loa le afi ki paa o Kasa, Ti e kai loa e ia a fale sau.

Amosi 1:9

Koia e folafola ai le Eteleno, o pati : O tupu ko agaveli e tolu a Tile, Ti e fa foki, e leaise kau toe fetogi laku fakatotonu, Talie na lotou ave fakapopula se kakai toka api ki Etome, Kae na leaise manatui e ia le sai fakatautaina.

Apetiasi 1:11

I le aso leia na ke tuu ai i ona mua, Le aso leia na ave popula ai lana kau tau e ni matapule, Le aso leia na ulu ai ni matapule i ona matapa, ti na lotou fai ai le toso ki Selusalemi, Ko koe foki na ke faipe se tasi o latou.

Sakalia 9:5

E tio loa ki ai Asekaloni, ti e i loa a ia. Ti mo Kasa foki, e too loa a ia e se i lasi ; Ti mo Ekeloni foki, talie e puli loa lana amanaki malie. E puli loa le sau i Kasa, Ti e leaise toe nofoi loa Asekaloni.

Gaoi 8:26

Na masau loa se aselo o le Aliki kia Filipo, o pati : Tuu ki aluga, ti ke ano ki le potu saute, ki le ala leia e ifo mei Selusalemi ki Kasa, leia e toafa.

Uluaki tosi a Samuele 6:17

Ko nei a fakatata aulo o masaki ala na soli e le kau Filisitini ki le Eteleno i le moliga ki le agasala : ko le tasi ki Asetoti, ko le tasi ki Kasa, ko le tasi ki Asekaloni, ko le tasi ki Kate, ti ko le tasi ki Ekeloni.