Amosi 1:4 - Tosi Tapu

⁴ E kau kakau loa le afi ki le fale o Asaele, Ti e kai loa e ia a fale sau o Pene-Atate.

Amosi 1:4 ပူးပေါင်းရင်းမြစ်များ

Uluaki tosi o Sau 19:15

Na pati loa le Eteleno kiate ia : Ano, ti ke toe too lou ala i le toafa o kaku ki Tamaso ; ti ka ke kaku loa ki ai, ti ke pani lolo loa Asaele ko le sau o Silia.

Lua tosi o Sau 13:25

Na toe too loa e Soasi, vosa o Soakase, mei lima o Pene-Atate, vosa o Asaele, a kolo ala na too e Asaele mei lima o Soakase, lona tamana, i le tau. Na malo tua tolu Soasi ia Pene-Atate, ti na toe maua loa e ia a kolo o Iselaele.

Lua tosi o Sau 13:3

Na vilo loa le sausau o le Eteleno ki Iselaele, ti na tuku loa e ia latou ki lima o Asaele, sau o Silia, ti mo lima o Pene-Atate, vosa o Asaele, i le temi katoa na mauli ai a sau ana.

Lua tosi o Sau 6:24

I le sili o nea ana, na tanaki loa e Pene-Atate, sau o Silia, lana solia katoa, ti na pale loa a ia, o takatakai Samalia.

Lua tosi o Koloniko 16:2

Na too loa e Asa se siliva mo se aulo mei koloa o le fale o le Eteleno mo le fale o le sau, ti na kakau loa e ia ni tagata avelogo kia Pene-Atate, sau o Silia, leia na nofo i Tamaso.

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 49:27

E kau tutu loa paa o Tamaso ki le afi, Ti e kai loa e ia a fale sau o Pene-Atate.

Esekiele 30:8

Ti e lotou iloa loa ko au ko le Eteleno, Mo ka kau tuku ia loa le afi ki Esipito, Ti mo ka kau fatifati loa latou fuli ala e tokoi kiate ia.

Esekiele 39:6

E kau kakau loa le afi ki Makoke, Ti mo latou ala e nonofo fimalie i atu motu ; Ti e lotou iloa loa ko au ko le Eteleno.

Oseo 8:14

Talie kua galoi e Iselaele leia na fakatupu ia a ia, Ti na fakatuu e ia ni fale sau, Ti na liuliuga e Suta a kolo tau ; Kae e kau kakau loa le afi ki olatou kolo, Ti e tutu loa e ia olatou fale sau.

Amosi 1:10

E kau kakau loa le afi ki paa o Tile, Ti e kai loa e ia ona fale sau.

Amosi 1:12

E kau kakau loa le afi ki Temane, Ti e kai loa e ia a fale sau o Potesela.

Amosi 1:14

E kau kakau loa le afi ki paa o Lapa, Ti e kai loa e ia ona fale sau, I loto malie o ni kalaga tau i le aso o le tau, I loto malie o le asesio i le aso o le afa ;

Amosi 1:7

E kau kakau loa le afi ki paa o Kasa, Ti e kai loa e ia a fale sau.

Amosi 2:2

E kau kakau loa le afi ki Moape, Ti e kai loa e ia a fale sau o Kelisoti ; Ti e mate loa Moape i loto malie o le maveuveu, I loto malie o ni kalaga tau mo le tagi o fakatagi pupusi.

Amosi 2:5

E kau kakau loa le afi ki Suta, Ti e kai loa e ia a fale sau o Selusalemi.

Tuifakamaau 9:57

Ti na totogi foki e ia ki le kakai o Siseme le veli katoa leia na lotou aga o fai. Na soko katoa loa le malaia leia na tuku kia latou e Sotame, vosa o Selupaale.