Amosi 1:3 - Tosi Tapu

³ Koia e folafola ai le Eteleno, o pati : O tupu ko agaveli e tolu a Tamaso, E fa foki, e leaise kau toe fetogi laku fakatotonu, Talie kua lotou takatakafi Kalaate ki ni saliote ukamea.

Amosi 1:3 ပူးပေါင်းရင်းမြစ်များ

Uluaki tosi o Sau 19:17

Ti e soko loa ko leia e sao loa i le seleta a Asaele, e tamate loa a ia e Seu ; ti ko leia e sao loa i le seleta a Seu, e tamate loa a ia e Eliseo.

Lua tosi o Sau 13:3

Na vilo loa le sausau o le Eteleno ki Iselaele, ti na tuku loa e ia latou ki lima o Asaele, sau o Silia, ti mo lima o Pene-Atate, vosa o Asaele, i le temi katoa na mauli ai a sau ana.

Lua tosi o Sau 13:7

Na fakamauli loa e le Eteleno ni kau tagata ekeosi e tino lima i le kakai katoa o Soakase, mo saliote e kau agafulu ti mo ni kau tagata solia lalo e tino agafulu afe ; talie na tamate loa latou e le sau o Silia, ti na fakaliliu e ia latou ofaipe le efu leia e takatakafi ki vae.

Lua tosi o Sau 16:9

Na tali loa a ia e le sau o Asilia ; ti na pale ake loa a ia, o taui Tamaso o maua, ti na ave popula loa e ia le kakai mei ai ki Kile, ti na tamate loa e ia Letisini.

Lua tosi o Sau 8:12

Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Sopo 19:3

Ko le tua kau agafulu leinei o lakoutou lauveli kiate au ; Pe leaise kotou luma i loku fakamamae ?

Sopo 5:19

E fakamauli loa e ia a koe i le mamae o tua ono, Ti e leaise lave loa le veli kiate koe o tua fitu.

Taagapati 6:16

E vesia le Eteleno ki nea e ono, Ti e fakalialia foki a ia ki nea e fitu :

Ekelesiasi 11:2

soli se vaega ki se toka fitu, pe ki se toka valu foki, talie e leaise ke iloa le malaia leia e soko loa i le malama nei.

Esaia 28:27

E leaise taomi le niele ki le nea fakamaluu kele ; Ti e leaise ano le teka o le saliote i aluga o le kumini ; Kae e sasa le niele ki le laakau, Ti mo le kumini ki le tokotoko.

Esaia 41:15

Ko leinei, e kau fakaliliu a koe ko se saliote sasa fulumeto, foou katoa, Kua apele i ni nifo matakakai ; E ke sasa loa, e ke gugu loa a mauga lalasi, Ti e ke fakaliliu loa a mauga liliki ofaipe le mutie malo leia e viligia.

Esaia 7:16

Kae i mua o le iloa e le toe ke tiaki le nea e veli ti ke filifili le nea e malie, E tiaki loa le fenua leia e ke tuania ia ona sau e lua.

Esaia 7:8

Talie ko le ulu o Silia ko Tamaso, Ti ko le ulu o Tamaso ko Letisini. Koi toe fai a fetuu e kau ono tupu lima, Ti e leaise toe nofo loa Efalaimi ko se kakai.

Esaia 8:4

Talie i mua o le poto o le toe i le pati : Loku tamana ! loku tinana ! e ave loa a koloa o Tamaso mo koloa o Samalia ki le sau o Asilia.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Amosi 1:6

Koia e folafola ai le Eteleno, o pati : O tupu ko agaveli e tolu a Kasa, E fa foki, e leaise kau toe fetogi laku fakatotonu, Talie na lotou too se kakai toka api o ave ki le popula i Etome

Amosi 1:9

Koia e folafola ai le Eteleno, o pati : O tupu ko agaveli e tolu a Tile, Ti e fa foki, e leaise kau toe fetogi laku fakatotonu, Talie na lotou ave fakapopula se kakai toka api ki Etome, Kae na leaise manatui e ia le sai fakatautaina.

Amosi 2:1

Koia e folafola ai le Eteleno, o pati : O tupu ko agaveli e tolu a Moape, E fa foki, e leaise kau toe fetogi laku fakatotonu, Talie na tutu e ia o okioki a ivi o le sau o Etome.

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Amosi 2:6

Koia e folafola ai le Eteleno, o pati : O tupu ko agaveli e tolu a Iselaele, E fa foki, e leaise kau toe fetogi loa laku fakatotonu, Talie na lotou fakatau le tagata agatonu ki se paaga, Ti mo le tagata mativa ki se sa taka.

Sakalia 9:1

Folafola kikite, folafola a le Eteleno ki le fenua o Atalake ; E kaku foki lana folafola ki Tamaso, Talie e tuku e le Eteleno ona mata ki tagata fuli Ofaipe lana tio ki faasiga fuli o Iselaele ;

Sakalia 9:2

E tuu foki a ia i Amate, i le koiga mo Tamaso, I Tile mo Sitone, logo ai lola poto lasi.