Amosi 1:14 - Tosi Tapu

¹⁴ E kau kakau loa le afi ki paa o Lapa, Ti e kai loa e ia ona fale sau, I loto malie o ni kalaga tau i le aso o le tau, I loto malie o le asesio i le aso o le afa ;

Amosi 1:14 ပူးပေါင်းရင်းမြစ်များ

Lua tosi a Samuele 11:1

I leia ake fetuu, i le temi leia na ano masani ai a sau o tau, na kakau loa e Tavite a Soape mo ana tagata fakasausau ti mo Iselaele katoa, ke ano o maumaui a vosa o Amone ti mo taui a Lapa. Kae na nofo loa Tavite i Selusalemi.

Lua tosi a Samuele 12:26

Ti na fai loa e Soape le tau ki Lapa, ko le kolo mua o vosa o Amone, ti na maua loa e ia le kolo,

Lua tosi a Samuele 12:31

Na fakamavae loa e ia le kakai mei le kolo, ti na fakagaoii loa e ia latou ki ni gaoi mamafa, ki le tutuu, ki le ta fatu, ki toki mo le fai piliki ; na toe fai felaaki e ia ki la ake a kolo fuli o vosa o Amone. Ti na toe liliu loa Tavite ki Selusalemi mo le kakai katoa.

Uluaki tosi o Koloniko 20:1

I leia ake fetuu, i le temi leia e tau ano ai a sau o tau, na ano loa Soape mo se solia makeke ai, o maumaui le fenua o vosa o Amone mo takatakai le kolo ko Lapa. Kae na nofo loa Tavite i Selusalemi. Na tamate loa e Soape a Lapa, ti na maumaui loa e ia a ia.

Sopo 39:25

E kata a ia ki le i, e leaise iloa e ia a ia, E leaise solomuli a ia i mua o le seleta.

Pesalemo 83:15

Mo le afi leia e tutu ia le vaomatua, Mo le ula leia e tutu ia a mauga !

Esaia 29:6

E gaoi loa le Eteleno o kau tau kiate koe i le gugulu o le mana, mo le mafuike, mo se logoa fakaii, Mo le sasataki ti mo le afa, Ti mo le ula o se afi veli.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esaia 9:5

Talie kua tupu kia matou se toe, kua soli mai kia matou se vosa, Ti e teki loa le pule i lona tuauma ; E fakaigoa loa a ia ko Fulumalie, Tokoi, Atua mafimafi, Tamana lee gato, Aliki o le tokamalie.

Selemia 23:19

Ko leinei, kua to le afa a le Eteleno, Kua mu lona sausau, Kua oso le veli, Kua vilo a ia ki ulu o le kau agaveli.

Selemia 49:2

Koia e folafola ai le Eteleno, o pati : E soko mai loa a aso Ala e kau fakagugulu ai loa le kalaga o le tau ki Lapati o fanau a Amone ; E liliu loa a ia ko se tuuga fatu maumau, Ti e tutu loa e le afi ona kolo liliki ; I le aso lena e kapu loa e Iselaele latou ala na kapu ia a ia, e pati le Eteleno.

Esekiele 21:20

Kua kau fakatuu a ia ki olatou matapa fuli, O tupu ke fatii ai olatou loto makeke, Ti ke fakalasi ai lolatou maumau. Io, kua fakagigila ti kua fakakakai a ia ki le tamatea.

Esekiele 21:22

Ko loku temi loa leinei, E kau pasipasi loa oku lima Ti e kau tuku loa loku ita ke faitalisa. Ko au, le Eteleno, leia e folafola !

Esekiele 21:25

E ke tofa loa le tasi a ala ke kaku ai le seleta ki Lapa, le kolo o le kau Amone, ti mo le tasi ake a ala ke kaku ai ki Suta, mo Selusalemi, le kolo makeke.

Esekiele 25:5

E kau fakaliliu loa Lapa ko se lotoa ki kamelo, Ti mo le fenua o fanau o Amone ko se lotoa ki ovi fafine. Ti e kotou iloa loa ko au ko le Eteleno.

Esekiele 25:7

Ko leinei, e kau falo loku lima kiate koe, Ti e kau tuku a koe ke kai e atu puleaga ; E kau tuuti a koe i loto malie o atu kakai, E kau too a koe ke aua na toe lau a koe i atu fenua, E kau maumaui a koe, Ti e ke iloa loa ko au ko le Eteleno.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Amosi 2:2

E kau kakau loa le afi ki Moape, Ti e kai loa e ia a fale sau o Kelisoti ; Ti e mate loa Moape i loto malie o le maveuveu, I loto malie o ni kalaga tau mo le tagi o fakatagi pupusi.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Tetelonome 3:11

Ko Oki, sau o Pasani, ko le sau fakamuli a ia o le kau Lefaimi. E feala ke tio i Lapa, kolo mua o le kau Amone, ki lona pusa mate, ko se pusa ukamea leia na meta fa tupu lona loa, ti na meta lua lona lau lasi.