Amosi 1:11 - Tosi Tapu

¹¹ Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 1:11 ပူးပေါင်းရင်းမြစ်များ

Lua tosi o Koloniko 20:10

I le lakaga nei, ko leinei a vosa o Amone mo Moape, mo latou o le mauga o Seili, ala na leaise ke fakataga ia ke ulu ki ai Iselaele i le aso na au ai a ia mei Esipito, - talie na maliu kese a ia meia latou ti na leaise maumaui e ia latou, -

Lua tosi o Koloniko 20:11

ko leinei latou kua lotou fakapale matou i le aso nei, o au ke kapu matou i lou tofiga, le fenua leia na ke soli mai kia matou.

Lua tosi o Koloniko 28:17

Na toe au foki le kau Etome o taai a Suta, ti na lotou ave loa ni kau popula.

Pesalemo 137:7

Eteleno, manatui fanau o Etome, Ala, i le aso o Selusalemi : Na pati : Kotou tele, kotou tele O kaku ki ona fakatafito !

Pesalemo 85:5

Ei Atua ko lomatou fakamauli, toe fakamauli matou ! Fakagato lou sausau kia matou !

Ekelesiasi 7:9

Aua na ke ita vave i lou loto, talie e nofo le ita i le fatafata o le kau vale.

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Oseo 8:3

Na tiaki e Iselaele le malie ; E tuli loa a ia e le fili.

Soele 3:19

E maumau loa Esipito, E liliu loa Etome o toafa, O tupu ko agamakeke ki fanau o Suta, Ala na lotou liligi le toto saosaoa i lolatou fenua.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sakalia 1:15

Ti kua kau mamae lasi ki puleaga fia nealasi ; talie na ikiiki fai loku mamae i mua, kae kua lotou fakalasi a ia.

Malakia 1:2

Na kau alofa kia koutou, e pati le Eteleno. Kae e kotou pati : Kolea le nea leia na ke alofa ai kia matou ? Pe leaise ko le taina o Esau ko Sakopo ? e pati le Eteleno. Kae na kau alofa kia Sakopo,

Malakia 1:4

Kapau e pati Etome : Kua motou maumau, E motou toe laga loa a maumau ! Koia e folafola ai le Eteleno o kau tau : Ke lotou fakatuu ! e kau soloi loa, Ti e fakaigoa loa latou fenua o le agaveli, Kakai leia e itaita ki ai le Eteleno o lee gato.

Efeso 5:1

Koia kotou faifaitaki ki le Atua, ofaipe ni fanau alofaina ;

Tetelonome 23:7

Ke aua na ke vesia loa ki le Etome, talie ko lou taina ; ke aua na ke vesia loa ki le Esipito, talie na ke nofo matapule i lona fenua :