Akeseo 2:7 - Tosi Tapu

⁷ E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Akeseo 2:7 ပူးပေါင်းရင်းမြစ်များ

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Uluaki tosi o Sau 8:10

I le temi leia na ulu ai loa a tagata faisakilifisio ki fafo mei le potu tapu, na fakaapele loa e le ao le fale o le Eteleno.

Uluaki tosi o Sau 8:11

Na leaise mafai loa ke nofo i loto a tagata faisakilifisio o fai le tausi, o tupu ko le ao ; talie kua fakaapele e le kololia o le Eteleno le fale o le Eteleno.

Lua tosi o Koloniko 5:14

Na leaise feala loa ke toe nonofo le kau tagata faisakilifisio i loto o fai le tausi, o tupu ko le ao ; talie na fakaapele e le kololia o le Eteleno le fale o le Atua.

Pesalemo 80:1

Ki le pule o le kau sua. I lilio fakaaloalofa. A Asafe. Pesalemo.

Pesalemo 85:9

E kau fakalogo loa ki le nea leia e pati loa ki ai le Atua, le Eteleno ; Talie e masau a ia ki le tokamalie ki lona kakai mo lana kau agatonu, O tupu ke aua na lotou toe vilo ki valea.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Esaia 60:7

E tanaki mai loa kiate koe a kau manu fuli o Ketale ; E fakalogo loa kiate koe a kau ovi tagata o Nepasote ; E lotou pale loa ki loku aletale ti e kau tali loa latou ; Ti e kau fakakololia loa le fale o loku kololia.

Esekiele 21:27

Kua vilo ki lona lima atamai le gasau, leia na tusi mo Selusalemi. Ko leinei, ka tuku loa e ia le fakatotonu ke ano ki ai, ti ke fai ni kalaga makeke. E fakatuu loa e ia ni masini tau ki matapa o le kolo, ti e laga loa e ia ni palepale tau, ti e kenu loa e ia ni mumuniaga.

Esekiele 31:16

I le gugulu o lona vilo na kau fakalulu a atu puleaga I le aso leia na kau tuku ai a ia ki le nofoaga o le kau mate, Mo latou ala e ifo ki le popoko ; Ko laakau fuli o Eteni na fimalie i potu loloto o le kele, Laakau fulumalilie mo malilie o Lipane, ala na fakavai fuli e atu vai.

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Esekiele 44:4

Na taki loa e ia au ki le matapa o le potu noleto, i mua o le fale tapu. Na kau tio, ti ko leinei, na fakaapele e le kololia o le Eteleno le fale o le Eteleno. Ti na kau fakamapee loa ki lalo o fakatau oku mata ki le kele.

Akeseo 1:8

Kotou pale ki le mauga, kotou aumai ni laakau, Ti kotou laga le fale : E kau maua loa i ai loku fiafia, ti e kau kololia ai loa, E folafola le Eteleno.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Luka 19:47

Na akonaki a ia i aso fuli i le fale tapu. Ti ko le kau pule faisakilifisio, mo le kau sekelipa, mo pule o le kakai, na afa ke tamate a ia ;

Luka 2:27

Na au loa Simeone ki le fale tapu, o taki mai a ia e le Laumalie Maokioki. Ti e i le aumai e matua o le ga toe ko Sesu, ke fakasoko kiate ia le nea leia na fakatotonu e le lao,

Luka 2:46

I le sili o aso e tolu, na la maua loa a ia i le fale tapu, na tonatona i loto malie o le kau toketa o le lao, o fakalogo kia latou ti mo fai vesili kia latou.

Luka 20:1

I se aso o aso ana, na akonaki Sesu ki le kakai i le fale tapu, o fakasa le logo malie, kae na au loa kiate ia le kau pule faisakilifisio ti mo le kau sekelipa, ti mo le kau fakamatuatua,

Luka 21:38

Ti na usuusu mai le kakai katoa ki le fale tapu, o fakalogo kiate ia.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Kalate 3:8

Koia i le iloa fakatomua e le Tosi e fakamatatonu loa e le Atua le kau pagani ki le tui, na fakasa fakatomua e ia kia Apalaamo le logo malie leinei : E tapuakina loa a puleaga fuli iate koe !

Kolose 2:9

Talie e nofo fakatino iate ia le apeleaga katoa o le Atua.