Akeseo 2:6 - Tosi Tapu

⁶ Talie e folafola le Eteleno o kau tau : Koi toe fua se ga temi ikiiki, Ti e kau luui loa le atu lagi mo le malama nei, Le tai mo le kele malo.

Akeseo 2:6 ပူးပေါင်းရင်းမြစ်များ

Sopo 9:6

E lui e ia le kele i lona fakatafito, ti e galulu ona pou.

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Pesalemo 37:10

Koi toe fua se ga temi ikiiki, ti e puli loa le tagata agaveli ; E ke tio ki le ganea leia na nofo ai, ti kua puli a ia.

Esaia 10:25

Kae, koi toe fai se ga temi ikiiki, Ti e gato loa le tautea, Ti e maliu loa loku sausau kiate ia o tamate a ia.

Esaia 13:13

Koia e kau luui loa le lagi, Ti e galulu loa le kele i lona fakatafito I le sausau o le Eteleno o kau tau, I le aso o lona sausau.

Esaia 2:19

E ulu loa ki ana o utu, Ti mo loloto o le kele, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 29:17

Koi toe fua se ga temi ikiiki, Ti e liliu loa le Lipane ko se faisaga laakau fua, Ti e liliu loa le faisaga laakau fua ko se vaomatua.

Esaia 34:4

Kua vela o okioki le kau solia katoa o le atu lagi ; Kua takai le lagi ofaipe se tosi, Ti kua vilo lona kau solia katoa Ofaipe le vilo o le lau vite, Ofaipe le vilo o le lau fiki.

Selemia 33:14

Ko leinei, e soko mai loa a aso, e pati le Eteleno, Ala e kau fakasoko ai loa le folafola malie Leia na kau fakasa ki le fale o Iselaele mo le fale o Suta.

Selemia 51:33

Talie e folafola le Eteleno o kau tau, le Atua o Iselaele : Kua fai le taine o Papilone pe se ganea ta fulumeto i le temi e takatakafi ai le fulumeto ; Koi toe fai le ga temi ikiiki ti soko mai lona temi ta ofaipe le fulumeto.

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Esekiele 38:20

E lulu loa i oku mua a ika o le tai mo manu lele o le lagi, A manu o faisaga ti mo manu totolo fuli o le kele, Ti mo tagata fuli ala e mauli i aluga o le kele ; E sosolo loa a mauga ki lalo, E maluluku loa a utu fefeka ki lalo, Ti e sisiga loa ki le kele a kaua fuli.

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Gaoi 2:19

E kau fai loa ni nea fakaofolele i aluga i le lagi Ti mo ni milakulo i lalo i le kele, Ei ai loa se toto, mo se afi, ti mo se afui afi ;

Epelo 10:37

Talie koi toe fua se ga temi ikiiki, se ga temi noa ! Ti ko leia e tonu ke au, e au loa, ti e leaise tuvai loa a ia.

Apokalipisi 11:9

Ti e tio loa ki ola tino mate ni tagata mei kakai fuli, mo faasiga fuli, mo masau fuli, mo puleaga fuli, i aso e tolu mo le vaelua, ti e leaise lotou fakataga loa ke tuku ola tino mate ki se tanuma.