Akeseo 2:5 - Tosi Tapu

⁵ E kau agatonu ki le sai leia na kau fai mo koutou I le aso leia na kotou mavae ai i Esipito, Ti e nofo loku Laumalie i loto malie o koutou ; Aua na kotou i !

Akeseo 2:5 ပူးပေါင်းရင်းမြစ်များ

Lua tosi o Koloniko 20:17

E leaise kotou tau loa i le tau lena : Ke kotou ano fua, ke kotou tutuu i ai, ti e kotou tio loa ki le saofaki leia ka tuku atu loa e le Eteleno kia koutou. Suta mo Selusalemi, aua na kolua tuania ti aua na kolua i, i apogipogi, kotou ulu ki fafo o fakafetaulaki kia latou, ti e kau loa le Eteleno mo koutou !

Neemia 9:20

Na ke soli loa kia latou lou Laumalie ke lotou liliu o fakalogo, ti na leaise ke too loa lau mana mei olatou gutu, ti na ke soli loa se vai ki lolatou fia inu.

Neemia 9:30

Na ke kataki kia latou i ni fetuu mauke, ti na ke fakatokaga kia latou ki lou Laumalie, i lau kau polofeta ; kae na leaise tokaga fua olatou taliga. Koia na ke tuku ai loa latou ki lima o ni kakai matapule.

Ekesote 19:4

Kua kotou tio ki le nea leia na kau fai ki Esipito, ti kua kotou tio ki laku aumai koutou ki leinei, ki oku tafa, ofaipe se akuila leia e ave ia ona uviki i aluga o ona kapakau.

Ekesote 19:6

e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Ekesote 24:3

Na ano loa Moisese o fakasa ki le kakai a masau fuli a le Eteleno mo ana lao fuli. Ti na tali fakatasi loa le kakai katoa : E motou fai loa a nea fuli ala kua pati ki ai le Eteleno.

Ekesote 24:8

Na too loa e Moisese le toto o afusi ki le kakai, o pati : Ko le toto leinei o le sai leia kua fai e le Eteleno mo koutou o mulimuli ki ana folafola fuli.

Ekesote 34:10

Na tali loa le Eteleno : Ko leinei, e kau fai loa se sai. E kau fai loa i mua o lou kakai katoa, ni nea fakamanamana ala na leikiaise soko fuai i se fenua pe ko se puleaga ; e tio loa le kakai katoa lena e takatakai ia a koe ki le gaoi a le Eteleno, ti e fakaii loa le nea leia e kau fakasoko ia loa kiate koe.

Ekesote 34:8

I le lakaga fai lena, na fakamapee loa Moisese ki le kele, o su.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 41:13

Talie ko au ko le Eteleno, lou Atua, Leia e fakamakeke ia lou lima atamai, Leia e pati atu kiate koe : Aua na ke i ki se nea, E kau au o tokoi kiate koe.

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Sakalia 8:15

kae i le aso nei, kua kau fakakaukau ke kau fai se nea malie ki Selusalemi mo le fale o Suta. Aua na kotou i !

Mateo 28:5

Kae na masau loa le aselo, o pati ki fafine : Kia koulua, aua na kolua i ; talie e kau iloa e kolua afa Sesu leia na tutuki i le koluse.

Gaoi 27:24

o pati mai kiate au : Paulo, aua na ke i, talie e tonu ke ke tuu i mua o Sesale, ti ko leinei, kua soli atu e le Atua kiate koe le mauli o latou fuli ala e folau mo koe.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 8:1

Na pati loa le Eteleno kia Sosue : Aua na ke i, ti aua na ke loto gaegae ! too a tagata tau fuli, ti ke tuu ki aluga o ano o taui le kolo ko Ai. Tio, e kau tuku ki lou lima le sau o Ai mo lona kakai katoa, mo lona kolo, ti mo lona fenua.

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Uluaki tosi a Samuele 12:20

Na pati loa Samuele ki le kakai : Aua na kotou i ! Kua kotou fai le veli katoa lena ; kae ke aua na kotou maliu kese loa mei le Eteleno, kae ke kotou tausi loa ki le Eteleno i lokoutou loto katoa.