Akeseo 2:4 - Tosi Tapu

⁴ I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Akeseo 2:4 ပူးပေါင်းရင်းမြစ်များ

Lua tosi a Samuele 5:10

Na liliu Tavite o asilisili makeke, ti na nofo mo ia le Eteleno, le Atua o kau tau.

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Esetalasi 10:18

I le kau tagata faisakilifisio, na i ai loa ni iki ala na avaga mo ni fafine pagani : ko ni vosa o Sosue, vosa o Sotesatake, ti mo ona fetaina, Maasesa, mo Eliesele, mo Salipe, ti mo Ketalia,

Esetalasi 5:2

Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Akeseo 1:13

Na pati loa Akeseo, le tagata fakasausau a le Eteleno, ki le kakai, o mulimuli ki le fakatotonu a le Eteleno : e pati le Eteleno : E kau nofo mo koutou.

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Maleko 16:20

Ti na ano loa ana tisipulo o akonaki i potu fuli. Na gaoi le Aliki mo latou, ti na fakamaoki e ia le folafola ki ni milakulo na soko.

Gaoi 7:9

Ti na finenonofo loa le kau pateliaka kia Sosefo, o lotou fakatau loa a ia ke ave ki Esipito.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Lua tosi kia Timoteo 4:17

Kae ko le Aliki leia na tuu mo au ti na fakamakeke ia au, o tupu ke kau fakasa le akonaki katoa ti ke logo ki ai le kau pagani fuli. Ti na fakamauli au mei le gutu o le laione.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.

Uluaki tosi a Samuele 16:18

Na pati loa le tasi o tagata fakasausau : Ko leinei, na kau tio ki se vosa o Isaia, tagata Peteleemi, leia e poto i le fai musika ; ko se tagata makeke mo toa foki a ia, ko se tagata tau, leia e masau malie mo tupulaga, ti e nofo le Eteleno mo ia.