Akeseo 2:3 - Tosi Tapu

³ Pe i ai se tasi ia koutou ala koi mauli Na tio ki le fale leinei i lona kololia uluaki ? Ti kolea le nea kua kotou tio ki ai i le aso nei ? I lana tuu leinei, pe leaise fai a ia kia koutou pe se nea noa ?

Akeseo 2:3 ပူးပေါင်းရင်းမြစ်များ

Uluaki tosi o Koloniko 22:5

Na pati Tavite : Koi muli ai ti koi gaegae ai loku vosa ko Salomone, kae e tonu ke malie tukupau le fale leia e tonu ke laga loa ki le Eteleno ti ke logologona lona kololia i fenua fuli ; koia e kau loto ai ke fai ni tokonaki ki ai. Ti na fai loa e Tavite ni tokonaki lalasi i mua o lona mate.

Esetalasi 3:11

Na lotou sua loa, o fakavikiviki ki le Eteleno, o pati : Talie e agamalie a ia, talie e tuumau lona manava alofa ki Iselaele ! Ti na kalaga fakafiafia loa le kakai katoa ki le Eteleno, i le teki o le fakatafito o le fale o le Eteleno.

Esetalasi 3:12

Kae na toka api le kau faisakilifisio mo le kau Levi, mo se kau pule famili kua matutua, ala na tio ki le uluaki fale tapu, na fetagisi leo lasi loa, i lalatou tio ki le teki o le fakatafito o le fale. Kae na kalaga fakafiafia loa se tasi ake toka api,

Esaia 64:10

Kua liliu lomatou fale tapu o le kololia, Leia na sua ai e omatou tamana ou fakafetai Ko le nea kai a ula ; Kua maumau a nea fuli ala na mauiga kia matou.

Esekiele 7:20

Na lotou nekenekea i olatou koloa fulumalilie, Ti na lotou fai ki ai olatou fakatata fakalialia, mo olatou taulaatua. Koia e kau fakaliliu ai loa olatou koloa ko se nea fakalialia kia latou.

Akeseo 2:9

E lasi ake loa le kololia o le fale fakamuli leinei I le kololia o le uluaki fale, E pati le Eteleno o kau tau ; Ti ko le ganea leinei e kau tuku ai loa le tokamalie, E pati le Eteleno o kau tau.