Akeseo 2:16 - Tosi Tapu

¹⁶ I le temi a ia, ka ano se tasi ki se tuuga fulumeto ke asu mai ni fua e kau lua, Na maua fai e ia ni fua e kau agafulu ; Ka ano se tasi ki le poe vino ke asu mai ni fua vino e kau lima, Na maua fai e ia ni fua e kau lua.

Akeseo 2:16 ပူးပေါင်းရင်းမြစ်များ

Esaia 5:10

Talie e maua loa i le faisaga vite, leia e alepate kau agafulu lona lasi, se pate fai e tasi ; Ti e fakatupu loa e le omele pulapula se efa fai e tasi.

Selemia 48:33

Kua puli le fiafia mo le nekenekea i kolo vao Ti mo le fenua o Moape ; Na kau fakamasa le vino i tane vino ; E leaise koi takatakafi i le fiafia le fua o le vite i le tatauaga vino. E i ai ni kalaga ki le tau, kae leaise ko ni kalaga o le fiafia.

Akeseo 1:6

Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Akeseo 2:15

Koia ke kotou fakakaukau malie Ki le nea leia kua soko o kaku mai ki le aso nei, I mua o le teki o fatu o le fale o le Eteleno !

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.