Akeseo 1:6 - Tosi Tapu

⁶ Kua lasi lakoutou muluki, kae kotou utu ikiiki, E kotou kai, kae e leaise kotou makokona, E kotou inu, kae e leaise kotou mau, E kotou kofu, kae e leaise kotou mafana, Ko le totogi o leia e gaoi paaga, E vilo ki se taga pu.

Akeseo 1:6 ပူးပေါင်းရင်းမြစ်များ

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Uluaki tosi o Sau 17:12

Ti na tali loa le fafine : E mauli le Eteleno, lou Atua ! E leai saku nea kua moso, ti e kau maua fai se ga momoi falina i se ipu ti mo se ga lolo i se fagu. Ti ko leinei, e kau tae ni ga potu fafie e lua, ti kau ano loa ki fale, o teuteui le nea lena kiate au mo loku tama ; e ma kakai loa, ti oki a ia ti e ma mamate loa.

Neemia 5:2

Na pati a iki : Ko matou, mo omatou vosa ti mo omatou taineliki, e motou toka api ai ; ke soli mai kia matou se fulumeto ke motou kai, ti e motou mauli loa.

Sopo 20:22

I loto malie o lona mou koloa, e mamae loa a ia ; Ti e siki loa kiate ia le lima o le kau mativa fuli.

Sopo 20:28

E ave loa a koloa o lona fale, Ti e lotou pupuli loa i le aso o le sausau o le Atua.

Pesalemo 107:34

Le kele mauli ko se kele kaka, O tupu ko le agaveli o lona kakai.

Taagapati 11:24

Ko leia e soli lasi e asilisili mou koloa ; Ti ko leia e tanaki fakavale e asilisili mativa.

Esaia 5:10

Talie e maua loa i le faisaga vite, leia e alepate kau agafulu lona lasi, se pate fai e tasi ; Ti e fakatupu loa e le omele pulapula se efa fai e tasi.

Selemia 12:13

Na lotou muluki le fulumeto, Kae na lotou utu ni vao talatala : Na lotou gaoi pakia kae e leai sona fua. Kotou luma i le nea leia na kotou tuuti, O tupu ko le sausau kaka o le Eteleno.

Selemia 14:4

Kua mafaafaa le kele Talie e leaise to se ua i le fenua, Ti kua luma le kau gaoi kele ti kua lotou pulou olatou ulu.

Selemia 44:18

Kae talu loa mei le aso leia na motou fakagato ai le tutu o le iseso ki le fafine aliki o le lagi ti mo fai ni moliga nea inu, kua leaise motou toe maua loa se nea, ti kua motou mamate i le seleta mo le oge…

Oseo 4:10

E lotou kai loa kae e leaise lotou makona loa ; E lotou faifeauaki loa, kae e leaise lotou maua loa ni fanau, O tupu na lotou tiaki le Eteleno mo ana folafola.

Oseo 8:7

Talie na lotou muluki le matagi, e lotou kai loa le afa ; E leaise lotou maua loa se taulu fulumeto e tasi ; Ko le nea leia e somo ake loa e leaise maua loa i ai se falina ; Ti kapau e maua loa se falina, e kai loa a ia e le kau matapule.

Levitiko 26:20

E maumau noa loa okoutou makeke, kae e leai sona fua : e leaise soli loa e le kele ona magiti, ti e leaise soli loa e laakau olatou fua.

Levitiko 26:26

E kau fakamativa loa koutou i le pane ; ko fafine e kau agafulu e tao ia loa lakoutou pane i se gutuumu e tasi, ti e lotou aumai loa kia koutou se ga nea noa fua ke kotou kai, kae e leaise lelu ai lokoutou fia kai.

Akeseo 1:10

Koia kua fakafiti ai e le lagi lona sasau kia koutou, Ti kua taofi ai e le kele ona fua.

Akeseo 1:5

Koia e folafola ai i le aso nei le Eteleno o kau tau, o pati : Kotou fakakaukau ki okoutou ala !

Akeseo 1:7

Koia e folafola ai le Eteleno o kau tau : Kotou fakakaukau malie ki okoutou ala !

Akeseo 1:9

Na kotou amanaki ki se nea lasi, Kae ko leinei e kotou maua se ganea ikiiki fua ; Na kotou fakaulu a ia ki okoutou fale, kae na kau pusii a ia. Kolea lona tupuaga ? e pati le Eteleno o kau tau. O tupu ko loku fale, leia kua maumau, Kae kua kotou feoso le tagata ki lona fale.

Akeseo 2:16

I le temi a ia, ka ano se tasi ki se tuuga fulumeto ke asu mai ni fua e kau lua, Na maua fai e ia ni fua e kau agafulu ; Ka ano se tasi ki le poe vino ke asu mai ni fua vino e kau lima, Na maua fai e ia ni fua e kau lua.

Akeseo 2:17

Na kau tautea koutou ki le kelemea, Mo le manua, ti mo le ua fatu aisi ; Na kau maumaui a gaoiaga fuli o okoutou lima. Kae logo ai a nea ana, na leaise kotou toe liliu mai kiate au, e pati le Eteleno.

Sakalia 5:4

E pati le Eteleno o kau tau : E kau liligi a ia ke ulu ki le fale o le tagata kaia ti mo leia e fakapapau loi i loku suafa, o tupu ke nofo i ai o maumaui a nea fuli o kaku ki papa mo fatu.

Sakalia 8:10

Talie i mua o le temi lena, na leaise maua se fakapale o le gaoi a le tagata, ti na noa le totogi o manu ; na leaise tokamalie kia latou ala na ulu ki loto ti ulu ki fafo o le kolo, o tupu ko le fili, ti na kau tuku a tagata fuli ke lotou fetauaki ia latou.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Tetelonome 28:17

E malaia loa lau polapola mo lau kumete lusi falina.