Lua tosi ki le kau Tesalonika 3:15 - Tosi Tapu

¹⁵ Aua na kotou tio kiate ia ofaipe se fili, kae kotou fai kiate ia se valoki ofaipe se taina.

Lua tosi ki le kau Tesalonika 3:15 ပူးပေါင်းရင်းမြစ်များ

Pesalemo 141:5

Ke taai au e le tagata agatonu, ko se kalasia a ia ; Ke tautea e ia au, ko se lolo a ia i loku ulu : E leaise mafuli kese loa loku ulu ; Kae e toe pale atu loa laku kole kiate koe o tupu ko le kau agaveli.

Taagapati 25:12

Ofaipe se mama aulo mo se kasoa aulo mea, E fenaaki ki se taliga patigaofie le poto leia e fai ia se valoki.

Taagapati 9:9

Soli ki le tagata poto, ti e liliu loa a ia o toe asili poto ; Ako le tagata faitotonu, ti e fakalasi loa e ia lona iloa.

Mateo 18:15

Kapau na agasala lou taina kiate koe, ano o fakasa kiate ia lana agasala, a koe toka tasi mo ia. Kapau e fakalogo a ia kiate koe, ti kua ke fakalauatea lou taina.

Uluaki tosi ki le kau Kolinto 4:14

E leaise kau tosi a nea ana o tupu ke fakalumai ai koutou ; kae e kau valoki koutou ofaipe ni aku fanau alofaina.

Uluaki tosi ki le kau Kolinto 5:5

ke tuku le tagata lena kia Satana ke maumaui le tino, kae ke fakamauli le laumalie i le aso o le Aliki ko Sesu.

Lua tosi ki le kau Kolinto 10:8

Ti kapau foki na kau fakakololia a au totonu o lasi fakaikiiki i le pule leia kua tuku mai kiate au e le Aliki ki lokoutou faufau, kae leai ki lokoutou maumaui, e leaise kau luma ai.

Lua tosi ki le kau Kolinto 13:10

Koia e kau tosi atu ai a nea ana kae kau puli ia koutou, o tupu ke aua na kau fakaaoga ia loa le makeke, mo ka kau nofo loa mo koutou, o mulimuli ki le pule leia kua soli mai e le Aliki ki le lagai kae leai ki le maumaui.

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Lua tosi ki le kau Tesalonika 3:13

Kia koutou, fetaina, aua na kotou kaekae i le fai o le malie.

Lua tosi ki le kau Tesalonika 3:6

E motou kole mamae atu, fetaina, i le igoa o lotatou Aliki ko Sesu-Kilisito, ke kotou fakamamao mei fetaina fuli ala e mauli i le gasueveli kae e leaise mulimuli ki fakatotonu ala kua kotou maua meia matou.

Tito 3:10

Ke ke fakamamao meiate koe leia e fakatupu mavaevae, i le oki o lona akonakii tua tasi pe tua lua ;