Lua tosi ki le kau Tesalonika 2:14 - Tosi Tapu

¹⁴ Ko le nea lena na kalagai e ia koutou ki ai i lamatou Evaselio, o tupu ke kotou maua le kololia o lotatou Aliki ko Sesu-Kilisito.

Lua tosi ki le kau Tesalonika 2:14 ပူးပေါင်းရင်းမြစ်များ

Pesalemo 16:11

E ke fakasa mai loa kiate au le ala o le mauli ; E i ai ni fiafia lasi i ou mua, Ni nea malilie lee gato i lou lima atamai.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Soane 17:22

Kua kau tuku kia latou le kololia leia na ke soli mai kiate au, o tupu ke lotou liliu ko se nea e tasi ofaipe taua ko se nea e tasi,

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Loma 16:25

Ki leia e mafai ke fakamakeke ia koutou o mulimuli ki laku Evaselio ti mo le akonaki o Sesu-Kilisito, o mulimuli ki le fakasa o le misitelio leia na munia mei le kamataaga o le malama nei,

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Lua tosi kia Timoteo 2:12

kapau e tou kataki fualoa, e tou sau loa mo ia ; kapau e tou fakafiti kiate ia, e fakafiti loa a ia kia tatou ;

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.