Lua tosi ki le kau Tesalonika 2:11 - Tosi Tapu

¹¹ Koia e kakau ai loa e le Atua se makeke kaka kia latou, o tupu ke lotou tui ki le loi,

Lua tosi ki le kau Tesalonika 2:11 ပူးပေါင်းရင်းမြစ်များ

Senesi 39:19

I le logo a Potifale ki masau a lana avaga, leia na pati loa kiate ia : Ko lena le nea leia na fai e lau tagata fakasausau kiate au ! Na ita lasi loa le pule o Sosefo.

Pesalemo 109:17

Na alofa a ia ki le fakamalaia : ke to a ia kiate ia ! Na leaise fiafia a ia i le tapuakina : ke mamao a ia iate ia !

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 66:4

Ko au foki, e kau fiafia loa i lolatou mamae, Ti e kau kakau mai loa kia latou le nea leia e lotou i ki ai ; Talie na kau kalaga, ti na leaise lotou tali mai, Talie na kau masau, ti na leaise lotou fakalogo mai ; Kae na lotou fai le nea leia e veli ki oku mata, Ti na lotou filifili le nea leia e kau vesia ki ai.

Selemia 27:10

Talie ko le loi lena e lotou kikite atu kia koutou, o tupu ke ave mamao koutou mei lokoutou fenua, o tupu ke kau kapu koutou ti ke kotou mamate.

Selemia 4:10

E kau pati : Ei Aliki Eteleno ! Na ke kakaai maoki le kakai leinei mo Selusalemi, o pati : E kotou maua loa le tokamalie ! Ka ko leinei kua siki le seleta ki lolatou mauli.

Esekiele 14:9

Ti kapau e kakaai loa le polofeta mo kapau e puaki e ia se folafola, ko au, le Eteleno, leia na fakataga ia ke kakaai le polofeta lena ; e kau falo loa loku lima kiate ia, ti e kau tuuti loa a ia i lotolotoga o loku kakai ko Iselaele.

Esekiele 21:29

Koia e folafola le Aliki, le Eteleno, o pati : O tupu e kotou fakamanatu tuumau mai kiate au akoutou agaveveli, o fakasa ki tafa akoutou patigataa mo akoutou agasala i akoutou gaoiaga fuli ; o tupu e kotou fakamanatu tuumau latou kiate au, e too loa koutou e lona lima makeke.

Mateo 24:11

E mafuta loa se kau polofeta loi toka api, ti e lotou fakasesei loa ni kakai toka api ai.

Mateo 24:5

Talie e au loa se toka api i loku suafa, o pati : Ko au ko Kilisito. Ti e lotou fakasesei loa ni kakai toka api ai.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Uluaki tosi ki le kau Tesalonika 2:3

Talie e leaise fakatafito lamatou akonaki ki le kaka, pe ki ni manatu kelekele, pe ki le fakasolosolo veli ;

Uluaki tosi kia Timoteo 4:1

Kae e pati maoki le Laumalie : i temi fakamuli e tiaki loa e ni iki le tui, kae lotou pipiki loa ki ni laumalie kaka ti mo ni akonaki a temonio,

Lua tosi kia Timoteo 4:4

Ti e lotou fakamaliu loa olatou taliga mei le maoki, ti e lotou mafuli loa ki fanaga.