Lua tosi ki le kau Kolinto 9:8 - Tosi Tapu

⁸ Ti e mafai e le Atua lana fakaapele koutou ki ona kalasia fuli, o tupu ke kotou maua tuumau a nea fuli ala e aoga kia koutou, ti ke kotou toe maua foki o fakalaka ki gaoi malilie fuli,

Lua tosi ki le kau Kolinto 9:8 ပူးပေါင်းရင်းမြစ်များ

Lua tosi o Koloniko 25:9

Na pati loa Amatesia ki le tagata a le Atua : Ti kolea loa ka fai ki fa tenalio paaga e kau lelau ala na kau soli ki le solia a Iselaele ? Na tali loa le tagata a le Atua : E feala ke soli atu kiate koe e le Eteleno o lasi mamao ake i le siliva lena.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Taagapati 11:24

Ko leia e soli lasi e asilisili mou koloa ; Ti ko leia e tanaki fakavale e asilisili mativa.

Taagapati 28:27

Ko leia e solisoli ki le mativa e leaise puli se nea iate ia ; Kae ko leia e tapono ia ona mata ki le mativa e mafaia i malaia.

Taagapati 3:9

Fakamauiga le Eteleno ki au nea malilie, Ti mo uluaki fua o nea fuli o lau gaoi :

Akeseo 2:8

A aku le paaga, ti a aku le aulo, E pati le Eteleno o kau tau.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Gaoi 9:36

Na nofo i Sope, i le kau tisipulo, se fafine na igoa ko Tapita, ko lona uiga i le fakakeleka ko Tolokasi ; na fai e le fafine lena ni gaoi malilie lasi ai mo ni nea alofa.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Lua tosi ki le kau Kolinto 13:3

talie e kotou afa se fakamaoki o le masau a Kilisito iate au, a ia leia e leaise gaegae kia koutou, kae e makeke ia koutou.

Lua tosi ki le kau Kolinto 8:19

Ti e leaise ko ia fua, kae na filifili foki a ia e Ekelesia ke kau fanoga mo maua i le gaoi fakaalofa lena, leia e ma fai ki le kololia o le Aliki totonu ti ke fakamaoki ai loma loto malie.

Lua tosi ki le kau Kolinto 8:2

Talie i le asiasii lasi i olatou mamae, ko lolatou fiafia lasi mo lolatou mativa lasi na fakatupu ia o lasi ai ni soli o nea alofa ia latou.

Lua tosi ki le kau Kolinto 8:7

Koia, ofaipe koutou, na kotou malie tukupau i nea fuli, i le tui, i le masau, i le iloa, i le faa fai i nea fuli, ti mo le alofa kia maua, kotou fai ke kotou toe malie tukupau foki i le gaoi alofa lena.

Lua tosi ki le kau Kolinto 9:11

Ti e fakamoukoloa loa e ia koutou i nea fuli ki le fai o nea alofa kesekese, ala e fakatupu ia loa ni fakafetai ki le Atua ia maua.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 3:20

Koia, ki leia e mafai ke fai ia o lasi maumau ake i nea fuli ala e tou kole pe tou manatu ki ai, i le makeke leia e gaoi ia tatou,

Filipe 4:11

E leaise kau fakasa le nea lena, o tupu ko le mativa, talie kua kau ako ke kau fiafia i le nofo leia e kau nofo ai.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Lua tosi ki le kau Tesalonika 2:17

ke fakapelepele ia okoutou loto mo fakamakeke ia koutou i gaoi malilie fuli ti mo masau malilie fuli !

Lua tosi kia Timoteo 2:21

Koia kapau e fakamea se tasi mei nea ana, e liliu loa a ia ko se ipu mauiga, mo maokioki, mo aoga ki lona pule, ti kua teuteu a ia ki gaoi malilie fuli.

Lua tosi kia Timoteo 3:17

o tupu ke katoa le tagata a le Atua, ti ke katoa lona teuteui ki gaoi malilie fuli.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Tito 3:14

E tonu ke ako e latou foki ala o tatou, ke lotou fai a gaoi malilie ala e aoga ki nea fakavilivili, o tupu ke lotou mauli aoga.

Tito 3:8

E maoki le folafola lena, ti e kau loto ke ke fakasa fakamakeke tuumau a nea ana, o tupu ke tokaga latou ala kua tui ki le Atua o fai ni gaoi malilie. Ko lena le nea leia e malie mo aoga ki tagata.

Uluaki tosi a Petelo 4:10

Ofaipe ni tagata taupau koloa malie o kalasia kesekese o le Atua, ke kotou tasi fakaaoga kia koutou le nea alofa leia kua kotou maua.