Lua tosi ki le kau Kolinto 9:6 - Tosi Tapu

⁶ Ke kotou iloa, ko leia e muluki fakaikiiki, e tau fakaikiiki loa, ti ko leia e muluki lasi, e tau lasi loa.

Lua tosi ki le kau Kolinto 9:6 ပူးပေါင်းရင်းမြစ်များ

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 19:17

Ko leia e alofa ki le mativa e soli ki le Eteleno, Leia e toe liufaki ia loa kiate ia o mulimuli ki lana gaoi.

Taagapati 22:9

E manuia loa le tagata manava alofa, Talie e vaevae e ia lana pane mo le mativa.

Ekelesiasi 11:1

Ti lau pane ki le fuga o le vai, talie e ke toe maua loa a ia ki le temi ;

Ekelesiasi 11:6

Muluki lau fakaili mei le usu, ti aua na tuku ke malolo lou lima i le afiafi ; talie e leaise ke iloa le nea leia e mauli malie loa, leinei pe ko leia, pe ko laua toka lua.

Luka 6:38

Kotou soli, ti e soli atu loa kia koutou : E liligi loa ki okoutou fatafata se fua lasi, kua lomi, kua tutui, kua apelepipi ; talie e fua loa kia koutou ki le fua leia na kotou fakaaoga.

Uluaki tosi ki le kau Kolinto 1:12

E kau fia masau i leinei, e kotou tasi pati feneeki : Ko au, o Paulo au ! - ti ko au, o Apolosio ! - ti ko au, o Sefasi ! - ti ko au, o Kilisito !

Uluaki tosi ki le kau Kolinto 15:20

Kae ko leinei, kua toe tuuake maoki Kilisito mei le kau mate, ti kua soko a ia ko le uluaki fua o latou ala kua mamate.

Uluaki tosi ki le kau Kolinto 7:29

Ko leinei le nea leia e kau fia fakasa, fetaina : kua toetoe le temi ; koia i le temi nei e tonu ke mauli a tagata ala kua nonofo mo se avaga o sakinake e lotou sala avaga ;

Lua tosi ki le kau Kolinto 9:10

Ko leia E soli ia se fakaili ki le tagata gaoi kele, Ti mo se pane ki lana nea kai, E soli ia loa kia koutou ti mo liuliuga ia loa kia koutou le fakaili, ti e fakalasi loa e ia a fua o akoutou gaoi malilie fuli.

Lua tosi ki le kau Kolinto 9:5

Koia na kau manatu ai e aoga ke kole ki fetaina ke muamua atu kia koutou, o tanaki lokotou nea alofa, leia na kotou tomua fakapapau ki ai, o tupu ke tokamalie a ia, ti ke fai a ia pe se alofa maoki, kae leaise pe se fulupipiki.

Kalate 3:17

Ko leinei le nea leia e kau fia fakasa ia : Ko se sai leia kua fakamaoki e le Atua i mua, e leaise mafai ke toe soloi a ia, ti e leaise toe mafai foki ke fakanoai le fakapapau leia e muli i ai, e le lao leia na tuku kae kua sili ki ai fetuu e kau lelau fa kau tolu.

Kalate 5:16

Koia e kau pati atu ai : Kotou saele i le Laumalie, ti e leaise kotou fakasoko ia loa a oli o le kanofi.

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Kolose 2:4

E kau fakasa le nea lena o tupu ke aua na kakai koutou e se tasi ki ni masau logologomalie.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.