Lua tosi ki le kau Kolinto 9:5 - Tosi Tapu

⁵ Koia na kau manatu ai e aoga ke kole ki fetaina ke muamua atu kia koutou, o tanaki lokotou nea alofa, leia na kotou tomua fakapapau ki ai, o tupu ke tokamalie a ia, ti ke fai a ia pe se alofa maoki, kae leaise pe se fulupipiki.

Lua tosi ki le kau Kolinto 9:5 ပူးပေါင်းရင်းမြစ်များ

Senesi 33:11

Koia tali ai laku moliga kua fai atu kiate koe, talie kua fakaapele au e le Atua ki ona kalasia, ti e leaise nea fua e puli kiate au. I le kole fakamakeke a Sakopo kia Esau, na tali loa e Esau lana kole.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Uluaki tosi ki le kau Kolinto 16:2

I le uluaki aso o le vasaa, kotou tasi tuku kese i okoutou kaiga, le nea leia e kotou tasi mafai ia, o mulimuli ki lona mou koloa, o tupu ke aua na talitali ki laku kaku atu ke tanaki ai a nea alofa.

Lua tosi ki le kau Kolinto 8:6

Koia na ma filifili ai a Tito ke fakaoki ia ia koutou le gaoi alofa lena, ofaipe lana kamata ia.

Lua tosi ki le kau Kolinto 9:3

E kau kakau atu a fetaina, o tupu ke aua na ano noa le fakavikiviki leia na ma fai kia koutou i le nea lena, kae ke kotou nonofo teuteu, ofaipe le nea leia na kau fakasa atu kia latou.

Lua tosi ki le kau Kolinto 9:6

Ke kotou iloa, ko leia e muluki fakaikiiki, e tau fakaikiiki loa, ti ko leia e muluki lasi, e tau lasi loa.

Filipe 4:17

E leaise kau afa ni nea alofa, kae e kau afa le fua leia e fakalasi ia okoutou kau pepa.

Tuifakamaau 1:15

Na tali loa Akesa kiate ia : fai mai kiate au se nea alofa, talie na ke soli mai kiate au se kele malo i le saute ; toe soli mai foki kiate au ni matapuna vai. Ti na soli loa e Kalepo kiate ia a matapuna vai i aluga mo matapuna vai i lalo.

Uluaki tosi a Samuele 25:27

Ke ke tali le nea alofa leinei e aumai e lau fafine fakasausau ki loku aliki, ti ke tufa a nea ana ki le kakai leia e muli i loku aliki.

Uluaki tosi a Samuele 30:26

I le toe liliu ki Tesilake, na fakamomoli loa e Tavite se potu o le koloa o le tau ki le kau matua o Suta, mo ona kaiga, o fai kia latou a masau anei : Ko leinei se nea alofa kia koutou i le koloa o fili o le Eteleno !