Lua tosi ki le kau Kolinto 9:10 - Tosi Tapu

¹⁰ Ko leia E soli ia se fakaili ki le tagata gaoi kele, Ti mo se pane ki lana nea kai, E soli ia loa kia koutou ti mo liuliuga ia loa kia koutou le fakaili, ti e fakalasi loa e ia a fua o akoutou gaoi malilie fuli.

Lua tosi ki le kau Kolinto 9:10 ပူးပေါင်းရင်းမြစ်များ

Senesi 47:19

Kolea loa ke motou mamate ai i ou mua, kae tuu noa omatou kele ? Ke ke totogi matou mo omatou kele, kae ke ke soli mai kia matou se nea kai. Ti ko matou mo omatou kele, e motou fakasausau loa kia Falaone, talie e leaise motou fia mate. Soli mai kia matou ni pulapula ke to ti ke motou mauli ai, ti ke aua na tuu noa omatou kele.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Ekelesiasi 11:6

Muluki lau fakaili mei le usu, ti aua na tuku ke malolo lou lima i le afiafi ; talie e leaise ke iloa le nea leia e mauli malie loa, leinei pe ko leia, pe ko laua toka lua.

Esaia 55:10

Talie e faipe le ua mo le nive e ifo mei le atu lagi, Ti e leaise toe liliu ki ai Kae e leikiaise fakavai ia mo fakagako ia le kele, ti mo fakasosomo ia a laakau, Kae e leikiaise soli ia se pulapula ki le tagata to pulapula Ti mo se pane ki leia e kai,

Oseo 10:12

Kotou muluki le fakaili o mulimuli ki le faitotonu, Kotou tuuti le fulumeto o mulimuli ki le manava alofa, Kotou faala sokoutou faisaga foou ! Ko le temi leinei ke afa ai le Eteleno, O kaku ki lana saele mai, o liligi kia koutou le faitotonu.

Mateo 6:1

Kotou tokaga ki le fai o lokoutou agatonu, ke aua na kotou fai a ia i mua o tagata, o tupu ke tioi koutou : talie kapau ko ia, ti e leaise kotou maua loa se fakapale i tafa o lokoutou Tamana leia e nofo i le lagi.

Lua tosi ki le kau Kolinto 9:12

Talie ko le gaoi malie lena e kotou fai ia, e leaise gato fua i le soli o nea ala e aoga ki le kau sagato, kae ko se matapuna lasi foki a ia o ni fakafetai lasi ki le Atua.

Lua tosi ki le kau Kolinto 9:6

Ke kotou iloa, ko leia e muluki fakaikiiki, e tau fakaikiiki loa, ti ko leia e muluki lasi, e tau lasi loa.

Kalate 3:5

Ko leia e soli atu ia kia koutou le Laumalie, ti mo fakasoko ia ni milakulo ia koutou, pe fai e ia a nea ana o tupu ko gaoi o le lao, pe tupu ko le akonaki o le tui ?

Efeso 5:9

Talie ko le fua o le malama ko agamalie fuli, mo faitotonu fuli, ti mo maoki.

Filipe 1:11

ti ke kotou apele i le fua o le maokioki leia ia Sesu-Kilisito, ke kotou fakakololia ai mo fakavikiviki ai ki le Atua.

Filipe 4:17

E leaise kau afa ni nea alofa, kae e kau afa le fua leia e fakalasi ia okoutou kau pepa.

Uluaki tosi ki le kau Tesalonika 3:12

Ti ke fakatuputupua mo fakaapele e ia le alofa leia e kotou maua i okoutou vasaa, ti ki tagata fuli, o faifaitaki ki le alofa leia e motou maua kia koutou ;

Uluaki tosi ki le kau Tesalonika 4:10

ti e kotou fai foki le nea lena ki fetaina fuli i Masetonia katoa. Kae e motou kole atu kia koutou, fetaina, ke kotou tuputupua tuumau i le alofa lena,