Lua tosi ki le kau Kolinto 8:9 - Tosi Tapu

⁹ Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Lua tosi ki le kau Kolinto 8:9 ပူးပေါင်းရင်းမြစ်များ

Esaia 53:2

Na tupu ake a ia o lasi i ona mua ofaipe se ga laakau gaegae, Ofaipe se uli leia e somo ake i se kele malo ; Na leaise maua e ia se fulumalie, pe ko se gigila ke tapa ki otou mata, Ti na leaise nea fua iate ia ke tou alofa ai kiate ia.

Esaia 62:1

I loku alofa ki Sione e leaise kau fakalologo loa, I loku alofa ki Selusalemi e leaise kau malolo loa, O kaku ki le sa o lona fakamauli, ofaipe le mafoata, Ti mo lona saofaki, ofaipe se taume leia e ulaula.

Esaia 65:8

Ko leinei le folafola a le Eteleno : Ka maua se fui vite malie, ti e pati : Aua na maumaui a ia, Talie ko se tapuakina a ia ! E kau toe fai felaaki loa, o tupu ko loku alofa ki aku tagata fakasausau, Ke aua na maumaui nea fuli.

Mateo 17:27

Kae, o tupu ke aua na lotou siga, ano ki le tai, o ti le matau, ti ke toso mai le uluaki ika leia ka au loa ; fakamavaa lona gutu, ti e ke maua loa se fa setatele. Too a ia, ti ke soli a ia kia latou ma aku mo koe.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Maleko 6:3

Pe se ko le tagata fau fale a ia, le tama o Malia, le taina o Sakopo, mo Sosefo, mo Suta, ti mo Simone ? Ti ko ona tuagaane, pe leaise lotou nonofo i leinei mo tatou ? Ti na leaise lotou tui kiate ia.

Luka 16:11

Kapau loa e leaise kotou agatonu i koloa fakamalama, ko ai e tuku ia loa kia koutou a koloa maoki ?

Luka 2:7

ti na fanaui loa e ia lona tama uluaki. Na kofukofu loa e ia a ia, o fakamoe i se kaiaga manu, talie na leai se nofoaga i le fale talifanoga kia latou.

Luka 8:3

mo Soana, avaga o Kusa ko le pule koloa a Elote, mo Susana, ti mo ni iki ake fafine e toka api, ti na lotou tausi a ia ki olatou koloa.

Luka 9:58

Na tali loa Sesu kiate ia : E maua e lenato ni nofoaga i le kele, ti e maua e manu lele o le lagi ni ofaga, kae e leaise maua e le Vosa o le tagata se ganea leia ke teki ai lona ulu.

Soane 1:10

Na nofo a ia i le malama nei, ti na fakatupu e ia le malama nei, kae na leaise iloa fua a ia e le malama nei.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Soane 12:30

Na pati loa Sesu : E leaise sa le leo lena o tupu ko au ; kae o tupu ko koutou.

Soane 16:15

Ko nea fuli ala e maua e le Tamana a aku ; koia na kau pati ai, e too e ia mei le nea leia a aku, o fakasa atu loa a ia kia koutou.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Loma 11:12

Ti kapau na liliu lolatou faisala ko le fakakoloaaga o le malama nei, ti ko lolatou fakamativa ko le fakakoloaaga a ia o le kau pagani, ti e feaki ake loa le lasi o koloa mo ka lotou tafoki fuli loa.

Loma 15:3

Talie na leaise afa e Kilisito le nea na malie kiate ia, kae, o mulimuli ki le nea kua oki i le tosi : Kua vilo kiate au a lauveli a latou ala na lauveli kiate koe.

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Uluaki tosi ki le kau Kolinto 1:4

E kau fakafetai tuumau ki le Atua o uiga mo koutou, o tupu ko le kalasia o le Atua leia kua tuku atu e ia kia koutou ia Sesu-Kilisito,

Uluaki tosi ki le kau Kolinto 15:47

Ko le uluaki tagata, leia na tupu mei le kele, e fakakele ; ko le lua tagata ko le Aliki a ia mei lagi.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Efeso 2:7

o tupu ke fakasa i sekulo ka au le mou koloa lee gato o lona kalasia i lona agamalie kia tatou ia Sesu-Kilisito.

Efeso 3:19

ti ke kotou iloa le alofa o Kilisito, leia e fakalaka i iloa fuli, o tupu ke kotou apele o kaku ki le apeleaga katoa o le Atua.

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Apokalipisi 2:9

E kau iloa lou mamae ti mo lou mativa (logo ai e ke mou koloa), ti mo loi fakaveli a latou ala e pati ko Sutea latou kae e leaise lotou Sutea, kae ko se sinakoka latou o Satana.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.