Lua tosi ki le kau Kolinto 8:5 - Tosi Tapu

⁵ Ti na leaise gato fua i lalatou kau ki ai ofaipe lama amanaki malie ki ai, kae na lotou soli mua latou totonu ki le Aliki, ti oki kia maua, i le finegalo o le Atua.

Lua tosi ki le kau Kolinto 8:5 ပူးပေါင်းရင်းမြစ်များ

Uluaki tosi o Koloniko 12:18

Ti na ifo loa le Laumalie o le Atua kia Amasai, ko se tasi o le pule solia, ti na pati loa a ia : E motou kau mo koe, Tavite, vosa o Isaia ! Tokamalie, tokamalie kiate koe, tokamalie kia latou ala e tokoi kiate koe, talie na tokoi kiate koe lou Atua ! Ti na tali loa latou e Tavite, o fakanofo latou ke kau i le kau pule o le solia.

Lua tosi o Koloniko 30:12

I Suta foki na gaoi le lima o le Atua o soli kia latou se loto tasi, ke lotou fai le fakatotonu a le sau mo le kau pule, o mulimuli ki le folafola a le Eteleno.

Lua tosi o Koloniko 30:8

Aua na kotou ua fefeka, ofaipe okoutou tamana ; kae kotou soli okoutou lima ki le Eteleno, kotou au ki lona sagatualio leia na fakatapui e ia o lee gato, ti kotou tausi ki le Eteleno, lokoutou Atua, o tupu ke maliu kese lona sausau lasi meia koutou.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Uluaki tosi ki le kau Kolinto 1:1

Ko au Paulo, leia na kalagai ke liliu ko le apositolo a Sesu-Kilisito i le finegalo o le Atua, mo le taina ko Sositene,

Lua tosi ki le kau Kolinto 4:5

E leaise ma akonaki kia maua totonu ; ko le Aliki ko Sesu-Kilisito leia e ma akonaki ki ai, ti e ma pati ko akoutou tagata fakasausau maua o tupu ko Sesu.

Lua tosi ki le kau Kolinto 8:1

E ma fakailo atu kia koutou, fetaina, le kalasia o le Atua leia kua fakasa i Ekelesia o Masetonia.

Uluaki tosi a Samuele 1:28

Koia foki leia e kau loto ai ke soli a ia ki le Eteleno : e tuku loa a ia ki le Eteleno i lona mauli katoa. Ti na lotou atolasio loa ki le Eteleno i ai.