Lua tosi ki le kau Kolinto 8:3 - Tosi Tapu

³ E kau fakamaoki na lotou soli i le loto malie o mulimuli ki le nea leia na lotou maua, ti na fakalaka foki i le nea leia na lotou maua,

Lua tosi ki le kau Kolinto 8:3 ပူးပေါင်းရင်းမြစ်များ

Uluaki tosi o Koloniko 29:9

Na fiafia loa le kakai o tupu ko alatou moliga, talie na lotou fai olatou nea alofa ki le Eteleno mo le loto malie : ti na toe fiafia lasi foki le sau ko Tavite.

Pesalemo 110:3

E apele lou kakai i le makeke, Mo ka ke fakatasi lau kau tau ; Mo ni kofu tapu, mei le manava o le mafoata E au kiate koe lau kau tupulaga ofaipe se sasau.

Ekesote 35:29

Ko fanau fuli a Iselaele, tagata mo fafine, ala na loto malie ke kau ki le gaoi leia na fakatotonu e le Eteleno kia Moisese, na ave ia loa ki le Eteleno ni moliga o fakalogo ki le loto.

Ekesote 35:5

Kotou too i okoutou koloa se moliga ki le Eteleno. Ko tagata fuli e loto malie, e lotou aumai loa se moliga ki le Eteleno : ko se aulo, mo se siliva, mo se sila ;

Maleko 14:8

Kua fai e ia le nea leia na mafai e ia : kua fakamanogi fakatomua e ia loku tino ki loku aveifo.

Gaoi 11:29

Ti na fai loa se tonu e le kau tisipulo ke ave se tokoi ki fetaina i Sutea, o fakalogo ki le nea leia e mafai e le tagata taki toka tasi.

Loma 10:2

Talie e kau fakamaoki kia latou, e lotou maua le alofa ki le Atua, kae sala atamai :

Uluaki tosi ki le kau Kolinto 16:2

I le uluaki aso o le vasaa, kotou tasi tuku kese i okoutou kaiga, le nea leia e kotou tasi mafai ia, o mulimuli ki lona mou koloa, o tupu ke aua na talitali ki laku kaku atu ke tanaki ai a nea alofa.

Uluaki tosi ki le kau Kolinto 9:17

Kapau e kau fai a ia i le loto malie, e kau maua loku totogi ; kae kapau e kau fai a ia logo ai ko au, ko se kavega a ia kua tuku mai kiate au.

Kalate 4:15

Kofea loa le manuia leia na kotou fakasa ia ? Talie e kau fakamaoki atu kia koutou, kapau na kotou mafai ia, na kotou kape loa okoutou mata o soli mai kiate au.

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Kolose 4:13

Talie e kau tuku le fakamaoki kia koutou, e nofo a ia mo se loto tokaga lasi ai kia koutou, mo latou o Laotise, ti mo latou o Ielapolisi.

Uluaki tosi ki le kau Tesalonika 2:8

Koia na motou loto ai, i le lasi o lomatou alofa kia koutou, ke soli atu kia koutou o leaise gato fua i le Evaselio o le Atua, kae mo omatou mauli totonu foki, i le lasi o lomatou alofa kia koutou.

Filemo 1:14

Kae na leaise kau loto ke fai se nea leia e leaise ke loto ki ai, o tupu ke aua na sakinake e fakamakeke lou tokoi, kae ke fai a ia i le loto malie.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;