Lua tosi ki le kau Kolinto 7:9 - Tosi Tapu

⁹ kae e kau fiafia i le ola nei, o leaise tupu ko lokoutou loto mamae, kae o tupu kua ave koutou e le mamae lena ki le fakasemala, talie na fakamamae koutou i le finegalo o le Atua, o tupu ke aua na ma fai ia se nea veli kia koutou.

Lua tosi ki le kau Kolinto 7:9 ပူးပေါင်းရင်းမြစ်များ

Pesalemo 38:18

Talie kua vave fua loku siga, Ti e tuu mau loku mamae i oku mua.

Ekelesiasi 7:3

E malie ake le mamae i le kata ; talie e feala ke mamae le mata kae fiafia le loto.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Mateo 3:8

Kotou fakatupu mua se fua leia e gali ti mo feauga mo le fakasemala,

Luka 15:10

Koia e kau pati atu ai kia koutou : e i ai se fiafia i mua o le kau aselo o le Atua i se tagata agasala e toka tasi leia e fakasemala.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 15:7

Koia e kau pati atu ai kia koutou, e ia loa se fiafia lasi ake i le lagi i se tagata agasala e toka tasi leia e fakasemala, i ni tagata agatonu e tino iva tupu iva ala e leaise aoga ki ai le fakasemala.

Gaoi 20:21

o kau fakasa ki le kau Sutea mo le kau Keleka le fakasemala ki le Atua, ti mo le tui ki lotatou Aliki ko Sesu-Kilisito.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 2:16

Ki ni iki, ko se sauga o le mate, leia e soli ia le mate ; ki ni iki ake, ko se sauga o le mauli leia e soli ia le mauli. Ti ko ai e feauga ki le gaoi lasi lena ?

Lua tosi ki le kau Kolinto 7:8

Talie, kapau na kotou mamae i laku tosi, e leaise kau fakasemala ki le nea lena ; ti, kapau na kau fakasemala i le nea lena, talie e kau tio na fakalotomamae koutou e le tosi lena i se ga temi,