Lua tosi ki le kau Kolinto 7:5 - Tosi Tapu

⁵ Talie, talu loma kaku mai ki Masetonia nei, na leaise maua fua e oma tino se malolo ; na ma tali a mamae kesekese : tau i tafa, tuania i loto.

Lua tosi ki le kau Kolinto 7:5 ပူးပေါင်းရင်းမြစ်များ

Senesi 8:9

Kae na leaise maua loa e le lupe se ganea leia ke tuu ai ona vae, ti na toe liliu loa a ia kia Noe i le aleka, talie na koi nofo le vai i aluga o le kele katoa. Ti na falo loa e Noe lona lima o too le lupe o fakaulu ki le aleka i ona tafa.

Sopo 18:11

E fakatasi ni nea fakaii kiate ia, Ti e lotou takatakai a ia, mo tuli a ia.

Esaia 33:12

E liliu loa a kakai Ko ni umu lase Ko ni laakau talatala na tuuti O laku ki le afi ke ulaula i ai.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 45:3

E ke pati : Malaia kiate au ! Talie kua fakalasi e le Eteleno loku mamae ki ni iki ake mamae ; kua kau gaegae i le tagi, ti e leaise kau maua fua se ga malolo.

Selemia 6:25

Aua na kotou ano ki faisaga, Aua na kotou saele i ala, Talie e nofo i ai le seleta a le fili, Ti e taka le mate i le takatakai katoa !

Selemia 8:18

E kau loto ke fakafimalie loku mamae ; E mamae loku mafu iate au.

Gaoi 20:1

I le oki o le maveuveu, na fakatasii loa e Paulo le kau tisipulo, ti i le oki o lana fakalotomakeke latou, na poloaki loa a ia kia latou, ti na ano loa a ia ki Masetonia.

Loma 15:26

Talie na loto malie a fetaina o Masetonia mo Akaia ke fai se tanaki koloa ki le kau mativa o le kau sagato i Selusalemi.

Uluaki tosi ki le kau Kolinto 15:31

I le aso taki tasi e fakaali au ki le mate, e kau fakasa atu, fetaina, i le kololia leia e kau maua o tupu ko kotou ia Sesu-Kilisito lotatou Aliki.

Uluaki tosi ki le kau Kolinto 16:5

E kau natu loa kia koutou mo ka kau fakalaka loa i Masetonia, talie e kau fakalaka loa i Masetonia.

Lua tosi ki le kau Kolinto 2:13

koia na kau poloaki ai loa kia latou ti na kau ano loa ki Masetonia.

Lua tosi ki le kau Kolinto 2:3

Koia na kau tosi ai a nea ala na kau tosi, o tupu ke aua na kau maua ia, i laku tau atu, se mamae meia latou ala na tonu ke tuku ia mai kiate au le fiafia, o kau maua kia koutou fuli le amanaki malie leinei ko loku fiafia ko le fiafia foki a ia o koutou fuli.

Lua tosi ki le kau Kolinto 2:9

talie na kau fai tosi atu foki kia koutou ko laku fia iloa, i laku asiasii koutou, pe kotou fakalogo i nea fuli.

Kalate 4:11

E kau i na ano noa laku gaoi kia koutou.

Tetelonome 32:25

I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.

Uluaki tosi ki le kau Tesalonika 3:5

Koia, i loku le leaise koi mafai laku kataki, na kau kakau loa se tasi ke fakasa ia mai kiate au le anoaga o lakoutou tui, talie na kau i na fakasalai koutou e le fili kae ano noa lamatou gaoi.