Lua tosi ki le kau Kolinto 7:10 - Tosi Tapu

¹⁰ Koia, ko le loto mamae mei le Atua e fakatupu ia se fakasemala ki le mauli, leia e leaise tou toe fakasemala ki ai, kae ko le loto mamae mei le malama nei e fakatupu ia le mate.

Lua tosi ki le kau Kolinto 7:10 ပူးပေါင်းရင်းမြစ်များ

Senesi 30:1

Na tio loa Lasele na leaise maua e ia ni fanau kia Sakopo, ti na finenonofo loa a ia ki lona taina, o pati loa a ia kia Sakopo : Soli mai kiate au ni fanau, pe kau mate !

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Lua tosi a Samuele 13:4

Na pati loa Sonatape ki Amone : Ko le vosa a koe o le sau, kolea e tautuku aifai lou kala i usu fuli ? Pe leaise ke fia fakasa mai a ia kiate au ? Na tali loa Amone kiate ia : E kau mamana kia Tamale, le tuagaane o Apesalone, loku taina.

Lua tosi a Samuele 17:23

I le tio a Asitofele na leaise fakaaoga lana tokoi, na tuu loa a ia, o sopo ki lana asino o toe liliu ki lona kaiga i lona kolo. Na tuku loa e ia ana fakatotonu ki lona fale, ti na nonoa loa e ia lona ua o tautau. Ti na mate ai loa a ia, ti na tanu loa a ia i le tanuma o lona tamana.

Uluaki tosi o Sau 21:4

Na ulu loa Akapo ki lona fale kua mafaia mo mamae, o tupu ko le masau leinei na fai kiate ia e Napote mei Siseleele : E leaise kau soli loa kiate koe le tofiga o oku tamana ! Ti na moe loa Akapo i lona palepale, o agaaga ki le paa, ti na leaise kai loa a ia.

Pesalemo 38:18

Talie kua vave fua loku siga, Ti e tuu mau loku mamae i oku mua.

Taagapati 15:13

Ko se loto fiafia e fakafiafia ia a mata, Kae ka mamae le loto, e mamae a mata.

Taagapati 15:15

E veveli aso fuli o le tagata leia e mamae, Kae ko le loto fiafia ko se kaitasi a ia o lee gato.

Taagapati 17:22

Ko le loto leia e fiafia ko se faitoo malie, Kae ko le loto mamae e fakatupu ia le malo o ivi.

Taagapati 18:14

Ko le loto o le tagata e taofi ia a ia i le masaki ; Kae ko le loto gaegae, ko ai e toe lagai ia loa a ia ?

Ekelesiasi 7:3

E malie ake le mamae i le kata ; talie e feala ke mamae le mata kae fiafia le loto.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Esekiele 7:16

Ko latou ala na sao e sosola, E lotou nonofo i mauga, ofaipe lupe o vaivailiua, e Lotou fetagisi fuli O tupu ko alatou agaveli.

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Sonasi 3:8

Ke kofu e tagata mo manu ni taga, ti ke lotou tagi ki le Atua i lolatou makeke katoa, ti ke lotou tafoki fuli mei olatou ala veveli mo alatou gaoi fakamakeke ala na agasala ai olatou lima !

Sonasi 4:9

Kae na pati loa le Atua kia Sonasi : Pe malie koia lau itaita o tupu ko le lisega ? Na tali loa a ia : E tonu loku itaita o kaku ki le mate.

Mateo 26:75

Ti na manatui loa e Petelo le masau leia na fai e Sesu : I mua o le koukoua o le moatoa, kua ke fakafiti tua tolu kiate au. Ti na ulu loa a ia ki fafo, o tagi mamae ai.

Luka 15:10

Koia e kau pati atu ai kia koutou : e i ai se fiafia i mua o le kau aselo o le Atua i se tagata agasala e toka tasi leia e fakasemala.

Luka 18:13

Na tuu le popelikano mei mamao, ti na leaise mafai ke tagaki a ia ki aluga, kae na tukituki e ia lona fatafata, o pati : Ei Atua, alofa mai kiate au ko le tagata agasala.

Gaoi 11:18

I le oki o lalatou fakalogo ki le nea lena, na lotou fimalie loa ti na lotou fakakololia ki le Atua, o pati : Kua tuku foki e le Atua le fakasemala ki le kau pagani, o tupu ke lotou maua le mauli lee gato.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Lua tosi ki le kau Kolinto 12:21

E kau tuania, i laku tau atu, na toe fakataulaloi au e loku Atua i mua o koutou, ti ke kau tagi loa ki se toka api o latou ala na agasala i mua, ti na leikiaise fakasemala ki le aga fakakelekele, mo le fai feauaki, ti mo nea fakalialia fuli ala na lotou fai.

Lua tosi ki le kau Kolinto 7:9

kae e kau fiafia i le ola nei, o leaise tupu ko lokoutou loto mamae, kae o tupu kua ave koutou e le mamae lena ki le fakasemala, talie na fakamamae koutou i le finegalo o le Atua, o tupu ke aua na ma fai ia se nea veli kia koutou.

Epelo 12:17

E kotou iloa, ki muli ake, na toe fia maua loa e ia le tapuaki, kae na tiaki loa a ia, logo ai lana afa a ia i ni tagi loimata ; talie na leaise mafai loa e ia ke toe fakaliliu a manatu loto o lona tamana.

Uluaki tosi a Samuele 30:6

Na mamae lasi ai Tavite, talie na masau le kakai ke tuki fatui a ia, talie na kona lasi ai loto o le kakai, o tupu ko olatou vosa mo olatou taineliki taki tasi. Kae na toe loto makeke Tavite i lana fanaki ki le Eteleno, lona Atua.