Lua tosi ki le kau Kolinto 6:8 - Tosi Tapu

⁸ i loto malie o le kololia mo le matagafua, i loto malie o le logologona malie mo le logologona veli ; ofaipe ni tagata kaka, kae e ma maoki ;

Lua tosi ki le kau Kolinto 6:8 ပူးပေါင်းရင်းမြစ်များ

Mateo 10:25

E feauga fai ki le tisipulo ke tatau mo lona pule, ti mo le tagata fakasausau ke tatau mo lona aliki. Kapau na lotou pati ki le pule o le fale ko Pelesepu a ia, ti e lotou toe pati fenaaki loa ki kakai o lona fale !

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Mateo 27:63

o pati : Aliki, e motou manatui na pati le tagata kaka lena ka koi mauli : I le oki o aso e tolu, e kau toe tuuake loa.

Maleko 12:14

Ti na lotou au loa, o pati kia Sesu : Pule, e motou iloa e ke maoki, ti e leaise ke tuania ia fua se tasi ; talie e leaise ke tio ki le tagata, ti e ke akonaki ki le ala o le Atua o mulimuli ki le maoki. Pe taga pe leai ke soli le tukusau kia Sesale ? Pe tonu ke motou soli a ia pe leaise tonu ke motou soli a ia ?

Soane 7:12

Na lasi ai le femumusuaki a le kakai o uiga mo ia. Na pati a iki : Ko se tagata malie. Kae na pati a iki : Leai, e fakasese e ia le kakai.

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Gaoi 16:39

Ti na lotou au loa o fakakolekole laua, mo fakamavae laua i le pilisoni, ti mo kolekole kia laua ke la mavae i le kolo.

Gaoi 22:12

Kae na i ai se tagata na igoa ko Ananiasi, tagata tausi malie ki le Atua o mulimuli ki le lao, ti na fakamaoki malie fuli kiate ia le kau Sutea leia na nofo i Tamaso,

Gaoi 24:5

Na motou maua le tagata leinei, leia ko se taumasaki veli, leia e fakatupu ia ni maveuveu i le kau Sutea katoa o le malama nei, leia ko le pule o le magai lotu o le kau Nasaleti,

Gaoi 28:22

Kae e motou fia logo meiate koe totonu pe kolea lau manatu, talie kua motou iloa le fakafesagai i ganea fuli ki le magai lotu lena.

Gaoi 4:21

Na lotou toe fai loa kia laua ni iki fakaii foou, ti na lotou tuku loa laua ke ano, talie na leaise lotou iloa se nea ke fakatua ai laua, o tupu ko le kakai ; talie kua fakakololia le kakai katoa ki le Atua o tupu ko le nea leia kua soko.

Gaoi 5:13

ti na leaise toa se tasi kese o nake kia latou ; kae na vikiviki lasi le kakai kia latou.

Gaoi 6:3

Koia, ei fetaina, kotou filifili ia koutou ni tagata e toka fitu, ala e tuku ki ai se fakamaoki malie, ti e apele i le Laumalie Maokioki mo le poto, ti e motou tuku loa kia latou le kavega lena.

Loma 3:8

Ti kolea e leaise tou fai ai loa le veli o tupu ke soko ai se malie, ofaipe le pati a ni iki ala e lauveli mai kia matou ? E tonu le tautea o kakai ana.

Lua tosi ki le kau Kolinto 1:18

E kau fakamaoki atu i le Atua, leia e agatonu, ko le folafola leia na ma fakasa atu kia koutou na leaise io mo leai.

Lua tosi ki le kau Kolinto 11:21

E kau luma i lona fakasa, na ma fakasa loma gagae. Kae, ko nea fuli ala e feala ke toa ai se tasi - e kau masau pe se vale - e kau toa foki mo au i lona fai !

Lua tosi ki le kau Kolinto 12:16

Io ! Na leaise kau liliu ko se kavega kia koutou ; kae, pe se tagata kaka, na kau tapo koutou ki se masele !

Lua tosi ki le kau Kolinto 4:2

Kae kua ma tiaki a nea fakalumaluma ala e fai fakafufu, ti e leaise ma fai ia ni nea fakakaka, ti e leaise ma fulusi ia le folafola a le Atua. Kae e ma fakasa ia le maoki, ti e ma tuku ia maua ki le loto o tagata fuli i mua o le Atua.

Uluaki tosi ki le kau Tesalonika 2:3

Talie e leaise fakatafito lamatou akonaki ki le kaka, pe ki ni manatu kelekele, pe ki le fakasolosolo veli ;

Uluaki tosi kia Timoteo 3:7

E tonu foki ke maua e ia se fakamaoki malie meia latou mei tafa, o tupu ke aua na vilo a ia ki valoki mo masele a le Tiapolo.

Uluaki tosi kia Timoteo 4:10

Koia e tou gaoi, ti e tou tau, talie e tou tuku latatou amanaki malie ki le Atua mauli, leia ko le Fakamauli o tagata fuli, kae tafito le kau tui.

Epelo 13:13

Koia ke tou mavae o ano mo ia ki le tua kolo, o amo lona matagafua.

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.

Tolu tosi a Soane 1:12

Kua fakamaoki malie kia Temetiliusi le kakai fuli, ti mo le maoki foki ; ti ko matou foki, e motou fakamaoki kiate ia, ti e ke iloa e maoki lamatou fakamaoki.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.