Lua tosi ki le kau Kolinto 6:6 - Tosi Tapu

⁶ i le maokioki, i le iloa, i le kataki fualoa, i le agamalie, i le Laumalie Maokioki, i le alofa maoki,

Lua tosi ki le kau Kolinto 6:6 ပူးပေါင်းရင်းမြစ်များ

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Loma 15:19

ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.

Uluaki tosi ki le kau Kolinto 12:8

Talie kua soli e le Laumalie ki le tasi se masau o le poto ; ki se tasi ake se masau o le iloa i le Laumalie fuai e tasi ;

Uluaki tosi ki le kau Kolinto 13:4

E kataki fualoa le alofa, ti e apele a ia i le agamalie ; e leaise loto veli le alofa ; e leaise viki tonu le alofa, ti e leaise fia nealasi a ia,

Uluaki tosi ki le kau Kolinto 2:16

Talie Ko ai na iloa ia le manatu a le Aliki ? Ko ai na tuku ia ni tokoi kiate ia ? Kae ko tatou, e tou maua le manatu a Kilisito.

Uluaki tosi ki le kau Kolinto 2:4

ti na leaise fai aku masau mo aku akonaki ki ni masau logo malie o le poto fakatagata, kae ki se fakamaoki o le Laumalie mo se makeke,

Lua tosi ki le kau Kolinto 1:23

Kae e kau too le Atua ko se fakamaoki ki loku laumalie, e tupu ko loku alofa kia koutou, leia na leaise kau toe natu ai ki Kolinito ;

Lua tosi ki le kau Kolinto 11:11

O tupu kolea ?… Talie e leaise kau alofa kia koutou ?… E iloa a ia e le Atua !

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Lua tosi ki le kau Kolinto 11:6

Kapau e leaise kau poto i le masau, kae e leaise kau fenaaki i le iloa, ti na ma fakasa le nea lena kia koutou o lasi ai i nea fuli.

Lua tosi ki le kau Kolinto 12:15

Kiate au, e kau fiafia lasi loa i le soli o nea fuli ala e kau maua mo loku mauli totonu o tupu ko okoutou laumalie. Pe kotou alofa ikiiki loa kiate au, mo kapau e kau alofa lasi kia koutou ?

Lua tosi ki le kau Kolinto 13:10

Koia e kau tosi atu ai a nea ana kae kau puli ia koutou, o tupu ke aua na kau fakaaoga ia loa le makeke, mo ka kau nofo loa mo koutou, o mulimuli ki le pule leia kua soli mai e le Aliki ki le lagai kae leai ki le maumaui.

Lua tosi ki le kau Kolinto 2:10

Koia ko leia e kotou fakamolemole ki ai, e kau toe fakamolemole foki ki ai, ti ko le nea leia kua kau fakamolemole ki ai, mo kapau na kau fakamolemole ki se nea, na kau fai a ia o tupu ko koutou, i mua o Kilisito,

Lua tosi ki le kau Kolinto 2:4

E kau fai tosi atu kia koutou i se loto mamae lasi ai, mo se loto tuania, ti mo ni loimata lasi ai, o leaise tupu ke kotou mamae ai, kae o tupu ke kotou iloa le alofa lasi leia e kau maua kia koutou.

Lua tosi ki le kau Kolinto 3:3

Kua fakasa maoki koutou ko se tosi koutou a Kilisito, leia kua tosi e lama gaoi, o leai ki se vaitosi, kae ki le Laumalie o le Atua mauli, o leai i ni laupapa fatu, kae i ni laupapa kanofi, i mafu.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi ki le kau Kolinto 7:2

Kotou tuku mai kia maua se nofoaga i okoutou loto ! Na leaise ma sala ki se tasi, na leaise ma fakamativa se tasi, na leaise ma fakagaoi se tasi kia maua.

Kalate 3:2

Ko leinei fua le nea e tasi leia e kau fia ilo ki ai : Pe na kotou tali le Laumalie Maokioki o tupu ko gaoi o le lao, pe tupu ko le akonaki o le tui ?

Kalate 3:5

Ko leia e soli atu ia kia koutou le Laumalie, ti mo fakasoko ia ni milakulo ia koutou, pe fai e ia a nea ana o tupu ko gaoi o le lao, pe tupu ko le akonaki o le tui ?

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Efeso 3:4

I lakoutou lau a ia, e mafai loa ke kotou matala ki le malama leia kua kau maua ki le misitelio o Kilisito.

Efeso 4:2

i le loto fakataulalo mo le agamalu katoa, mo le kataki fualoa, o kotou fekatakiaki i le alofa,

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 2:3

misitelio leia e fufu ai a koloa fuli o le poto ti mo le iloa.

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Uluaki tosi ki le kau Tesalonika 2:10

E kotou fakamaoki, ti e fakamaoki foki le Atua, na motou mauli maokioki, mo faitotonu, ti mo lee mele i mua o koutou ala kua tui.

Uluaki tosi kia Timoteo 4:12

Ke aua na fakanoai e se tasi lou koi muli, kae ke ke liliu ko se faifaitaki ki le kau agatonu, i masau, mo le aga, mo le alofa, mo le tui, ti mo le maokioki.

Uluaki tosi kia Timoteo 5:2

a fafine matutua ofaipe ni tinana, a fafine muli ofaipe ni tuagaane, i le mea katoa.

Lua tosi kia Timoteo 3:10

Kiate koe, na ke mulii totonu laku akonaki, mo le anoaga o loku mauli, mo aku fakatuutuu, mo laku tui, mo loku agamalu, mo loku alofa, mo loku kataki fualoa,

Lua tosi kia Timoteo 4:2

ke ke fakasa le folafola : too a faigamalie fuli, pe malie pe veli ; valoki, mo fakatonutonu, mo ekenaki, i le kataki fualoa katoa ti mo le akonaki.

Tito 2:7

o ke fakasa e koe totonu i nea fuli se faifaitakiaga o gaoi malilie, ti mo ke tuku se akonaki mea, mo gali,

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Soane 3:18

Fanau liliki, aua na tou alofa i masau ti mo le alelo, kae tou alofa i gaoi ti mo le maoki.

Tuifakamaau 16:15

Na pati loa a Talila kiate ia : Pe feaki ke ke mafai ia le pati mai kiate au : e kau alofa kiate koe ! kae e leaise nofo lou loto mo au ? Ko le tua tolu leinei o lau manogii au, ti mo lau fufu mai kiate au le tupuaga o lou makeke lasi.