Lua tosi ki le kau Kolinto 6:15 - Tosi Tapu

¹⁵ Pe kau fakatasi feaki Kilisito mo Peliale (Satana) ? Pe vaega tasi leia e tui mo leia e lee tui ?

Lua tosi ki le kau Kolinto 6:15 ပူးပေါင်းရင်းမြစ်များ

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Esetalasi 4:3

Kae na tali loa Solopapele, mo Sosue, ti mo la ake kau pule famili o Iselaele kia latou : E leaise tonu ke kotou kau mo matou ki le fakatuu o le fale o lomatou Atua ; e motou fakatuu tefua loa le fale o le Eteleno, le Atua o Iselaele, ofaipe le nea leia na fakatotonu mai kia matou e Silusi, sau o Pelesi.

Maleko 16:16

Ko leia e tui loa ti e papitema loa e mauli loa a ia, kae ko leia e leaise tui loa e malaia loa a ia.

Gaoi 5:14

Ti na tui se kakai toka api ki le Aliki, tagata mo fafine, ti na lotou ulu o toe fakaapi latou.

Gaoi 8:20

Kae na pati loa Petelo kiate ia : Ke puli lau paaga mo koe, talie kua ke pati e totogi paaga le nea alofa o le Atua !

Uluaki tosi ki le kau Kolinto 6:6

Kae kapau e tagi se taina ki se taina, ti e fai a ia i mua o latou ala e leaise tui ?

Uluaki tosi kia Timoteo 5:8

Kapau e leaise tokaga se tasi kia latou o lona fale, kae tafito latou o lona famili, kua tiaki e ia le tui, ti e veli ake a ia i se pagani.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Tuifakamaau 19:22

I le lolotoga o lolatou taupau mauli, ko leinei, kua takatakai loa le fale e ni tagata o le kolo, ni tagata veli, ti kua lotou ta loa le matapa. Na lotou pati loa ki le matua, pule o le fale : Ke ke fakaulu mai ki fafo le tagata leia na ke aga o tali i lou fale, e motou fia iloa a ia.

Tuifakamaau 20:13

Kotou tuku mai kia matou i le aso nei latou ala na fai ia le nea lena, a tagata veli o Kipea, ke motou tamate latou ti ke motou fakapuli ai le veli i loto malie o Iselaele. Kae na leaise fia logo loa a vosa o Pesamino ki le leo o olatou fetaina, fanau a Iselaele.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.