Lua tosi ki le kau Kolinto 6:14 - Tosi Tapu

¹⁴ Aua na kotou kau fakatasi mo le kau lee agatonu i lalo o se laakau taki kese. Talie e fakatasi feaki le maokioki mo le agasala ? Pe fakatasi feaki le malama mo le fakapouli ?

Lua tosi ki le kau Kolinto 6:14 ပူးပေါင်းရင်းမြစ်များ

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Lua tosi o Koloniko 19:2

Ti na ano loa Seu, vosa o Anani, le polofeta, o fakafetaulaki kiate ia. Ti na pati loa a ia ki le sau ko Sosafate : Pe totonu kiate koe ke ke tokoi ki le tagata agaveli ? Pe ke alofa kia latou ala e vesia ki le Eteleno ? Koia kua ita ai le Eteleno kiate koe.

Esetalasi 10:19

ala na fakapapau loa, o siki olatou lima, ke lotou kakau alatou avaga ti ke lotou momoli se ovi tagata ki lalatou agasala.

Pesalemo 106:35

Na lotou fefiloaki loa mo atu puleaga, Ti na lotou ako loa alotou gaoiaga.

Pesalemo 119:63

Ko le kaukaunea au o latou fuli ala e i kiate koe, Ti mo latou ala e tausi ia au fakatotonu.

Pesalemo 16:3

Kae ko le kau sagato leia e nonofo i le fenua Mo le kau agatonu, ko le tauaga latou o loku alofa katoa.

Ekesote 34:16

talie ke aua na ke too ia olatou taineliki ki ou vosa, ti ko olatou taineliki, ala e tausi ki olatou atua, ke aua na lotou toso ia ou vosa ke tausi ki olatou atua.

Taagapati 22:24

Aua na ke pipiki ki le tagata itaita, Ti aua na ke ano mo le tagata agamakeke,

Taagapati 29:27

E fakalialia le kau agatonu ki le tagata agaveli, Ti e fakalialia le kau agaveli ki leia e sako lona ala.

Levitiko 19:19

Kotou tausi loa aku lao : Aua na ke fakaavaga loa ni manu o ni faasiga kesekese e lua. Aua na kotou to loa akoutou faisaga ki ni faasiga pulapula e lua. Aua na kotou tui loa ni kofu ki ni faasiga filo e lua.

Malakia 2:11

Na leaise agatonu a Suta, Ti na fai se nea fakalialia i Iselaele mo Selusalemi ; Talie na fakakelekele e Suta le nea leia na fakatapu ki le Eteleno, le nea leia e fiafia ai le Eteleno : Na avaga a ia mo le taine o se atua kese.

Malakia 2:15

Na leaise fai le nea lena e se tasi, mo ka na i ai sona ga poto. Ko le toka tasi na fai ia a ia, ti kolea lona tupuaga ? Talie na afa e ia le sakoga leia na fakapapau e le Atua kiate ia. Koia kotou tokaga ai kia koutou totonu, Ti ke aua na agatuu se tasi ki le avaga o lona temi tupulaga !

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Gaoi 4:23

I lola tuku ake, na la ano loa ki ola kaukaunea o fakamatala kia latou a nea fuli ala na pati ake ki ai le kau pule faisakilifisio mo le kau fakamatuatua.

Uluaki tosi ki le kau Kolinto 10:21

E leaise mafai ke kotou inu le ipu o le Aliki, ti mo le ipu o le kau temonio ; e leaise mafai ke kotou kau ki le laupapa o le Aliki, ti mo le laupapa o le kau temonio.

Uluaki tosi ki le kau Kolinto 15:33

Aua na kotou fai sala : E maumaui e kaukaunea veveli a aga malilie.

Uluaki tosi ki le kau Kolinto 5:9

Kua kau tosi atu i laku tosi kia koutou, ke aua na kotou fakatasi mo le kau fai feauaki :

Uluaki tosi ki le kau Kolinto 6:6

Kae kapau e tagi se taina ki se taina, ti e fai a ia i mua o latou ala e leaise tui ?

Uluaki tosi ki le kau Kolinto 7:39

Kua sai le fafine ki lona avaga i le temi katoa leia e mauli ai lona avaga ; ti kapau kua mate le tagata, e lauatea le fafine ke toe avaga mo leia e loto a ia ki ai ; ko leia fua ke fai i le Aliki.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.