Lua tosi ki le kau Kolinto 6:11 - Tosi Tapu

¹¹ Kua mavaa atu oma gutu kia koutou, kau Kolinito, kua fakamavaa fakalaulasi atu kia koutou oma loto,

Lua tosi ki le kau Kolinto 6:11 ပူးပေါင်းရင်းမြစ်များ

Sopo 32:20

E kau masau loa ke kau fimalie, E fakamavaa loa oku laugutu ti e kau tali loa.

Pesalemo 119:32

E kau makape i le ala o au lao, Talie e ke fakalaulasi loku loto.

Pesalemo 51:15

E kau ako loa ou ala kia latou ala e maumaui ia latou, Ti e toe au loa le kau agasala kiate koe.

Esaia 60:5

Ti e ke soposopo loa i le fiafia, ti e ke fakafiafia loa ; E ta vave loa lou mafu ti e makita loa a ia i le fiafia, Mo ka tau mai loa a koloa o le tai kiate koe, Mo ka kaku mai loa a koloa o atu puleaga kiate koe.

Esekiele 33:22

Na teki loa le lima o le Eteleno kiate au i le afiafi, i mua o le tau mai o le tagata lena na sola. I lana tau mai kiate au i le usu, na fakamavaa loa e le Eteleno loku gutu. Na mavaa loa loku gutu, ti na mafai loa laku masau.

Apakuki 2:5

Tatau mo leia e kona mo matasoka, E leaise mafai ke fimalie le tagata fia nealasi ; E fakamavaa laulasi e ia lona gutu ofaipe le nofoaga o le kau mate, E leaise makona a ia i se temi ofaipe le mate, E aumai e ia kiate ia atu puleaga fuli, E fakatasi e ia ki ona tafa a kakai fuli.

Gaoi 18:1

I le oki o le nea lena, na mavae loa Paulo mei Atena o ano ki Kolinito.

Gaoi 18:8

Kae na tui loa ki le Aliki a Kilisipusi, ko le pule o le sinakoka, mo lona famili katoa. Ti na fakalogo foki ni kakai Kolinito toka api kia Paulo, o lotou tui loa, mo papitema.

Lua tosi ki le kau Kolinto 12:15

Kiate au, e kau fiafia lasi loa i le soli o nea fuli ala e kau maua mo loku mauli totonu o tupu ko okoutou laumalie. Pe kotou alofa ikiiki loa kiate au, mo kapau e kau alofa lasi kia koutou ?

Lua tosi ki le kau Kolinto 2:4

E kau fai tosi atu kia koutou i se loto mamae lasi ai, mo se loto tuania, ti mo ni loimata lasi ai, o leaise tupu ke kotou mamae ai, kae o tupu ke kotou iloa le alofa lasi leia e kau maua kia koutou.

Kalate 3:1

Ei kau Kalate valelea ! Ko ai lena kua fakauluvalea ia koutou, ke aua na koutou fakalogo ki le maoki, koutou ala na fakasa tautonu ki okoutou mata a Sesu-Kilisito leia na tutuki i le koluse ?

Kalate 4:12

Fetaina, e kau kole atu kia koutou : kotou faipe au, talie ko au foki e kau faipe koutou. Na leaise kotou fai fuai se nea leia e veli kiate au.

Efeso 6:19

Kotou ulufaki au, o tupu ke soli mai kiate au, mo ka kau fakamavaa loku gutu, ke kau fakasa i le loto toa ti mo le lauatea le misitelio o le Evaselio,

Efeso 6:8

o kotou iloa e tali loa e le tagata taki toka tasi, pe popula, pe lauatea, mei le Aliki o mulimuli ki le malie leia na fai loa e ia.

Filipe 1:8

Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Filipe 4:15

E kotou iloa e koutou totonu, kau Filipe, i le kamataaga o le akonaki o le Evaselio, i le temi leia na kau mavae ai mei le fenua o Masetonia, na leaise Ekelesia fua e tasi leia na loto fakafetai o soli mai kiate au se nea ;

Apokalipisi 22:12

Ko leinei, e kau au vave ; ti e kau aumai loa mo au aku fakapale, ti e kau tufa loa latou ki le tagata taki toka tasi o mulimuli ki lana gaoi.

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.