Lua tosi ki le kau Kolinto 6:10 - Tosi Tapu

¹⁰ ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Lua tosi ki le kau Kolinto 6:10 ပူးပေါင်းရင်းမြစ်များ

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Taagapati 13:7

E mauli se tasi ofaipe se nea mou koloa, kae e leaise maua sana nea, Ti e mauli se tasi ofaipe se nea mativa kae nofo a ia mo ni koloa lalasi.

Taagapati 16:16

E mauiga ake le maua o le poto i le aulo ! E malie ake le maua o le atamai i le paaga.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Mateo 5:4

Manuia latou ala e loto mamae, talie e fakapelepelei loa latou !

Luka 6:21

Manuia koutou ala e fia kai i le lakaga nei, talie e kotou makokona loa ! Manuia koutou ala e tagi i le lakaga nei, talie e kotou fiafia loa !

Soane 16:22

Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Gaoi 16:25

I le vaeluapo, na faikole mo sua fakavikiviki ki le Atua a Paulo mo Silasi, ti na logo le kau pilisoni kia laua.

Gaoi 3:6

Ti na pati loa Petelo kiate ia : E leaise kau maua se paaga pe ko se aulo ; kae ko le nea leia e kau maua, e kau soli atu a ia kiate koe : I le suafa o Sesu-Kilisito mei Nasaleti, tuu ki aluga, o saele.

Gaoi 5:41

Ti na ano loa le kau apositolo mei mua o le fono lasi i le fiafia, talie kua lotou aoga ki le tali o lauveli o tupu ko le suafa o Sesu.

Loma 11:12

Ti kapau na liliu lolatou faisala ko le fakakoloaaga o le malama nei, ti ko lolatou fakamativa ko le fakakoloaaga a ia o le kau pagani, ti e feaki ake loa le lasi o koloa mo ka lotou tafoki fuli loa.

Loma 12:15

Ke kotou fakafiafia mo latou e fiafia ; ke kotou tagi mo latou e tagi.

Loma 15:13

Ke fakaapele koutou e le Atua o le amanaki malie ki le fiafia mo le tokamalie i le tui, o tupu ke lasi ai ia kotou le amanaki malie mo le makeke o le Laumalie Maokioki !

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Loma 9:2

E kau mafaia lasi ai ti e kau mamae tuumau i loku loto.

Uluaki tosi ki le kau Kolinto 1:5

Talie iate ia kua kotou mou koloa i nea fuli o uiga mo le folafola ti mo le iloa,

Lua tosi ki le kau Kolinto 2:4

E kau fai tosi atu kia koutou i se loto mamae lasi ai, mo se loto tuania, ti mo ni loimata lasi ai, o leaise tupu ke kotou mamae ai, kae o tupu ke kotou iloa le alofa lasi leia e kau maua kia koutou.

Lua tosi ki le kau Kolinto 4:15

Talie e soko a nea fuli ana ko koutou, o tupu ke liuliuga le kalasia leia e fakalasi ia a fakafetai a se toka api ki le kololia o le Atua.

Lua tosi ki le kau Kolinto 4:7

E ma amo le koloa lena i ni ipu kele, o tupu ke tuku le makeke lasi lena ki le Atua, kae leai kia maua.

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Filipe 2:17

Ti kapau e kau aoga ki le lipasio o lakoutou sakilifisio ti mo le tausi o lakoutou tui, e kau fiafia i ai, ti e kau fiafia fakatasi mo koutou fuli.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 3:16

Ke nofo mau ia koutou le folafola a Kilisito i lona mou koloa katoa ; ke kotou feakonakiaki ti mo fetokoiaki i le poto katoa, ki ni pesalemo, mo ni imi, ti mo ni katiko fakalaumalie, o sua ki le Atua i lokoutou loto o tupu ko le kalasia.

Uluaki tosi ki le kau Tesalonika 1:6

Ti ko koutou totonu, na kotou faifaitaki mai kiate au, ti mo le Aliki, o kotou tali le folafola i ni mamae lasi ai, mo le fiafia o le Laumalie Maokioki,

Uluaki tosi ki le kau Tesalonika 5:16

Kotou fiafia tuumau.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Uluaki tosi kia Timoteo 6:18

Fakatotonu kia latou ke lotou fai le malie, ke lotou mou koloa i gaoi malilie, ke lotou loto solisoli, ti ke lotou loto tokoi,

Epelo 10:34

Io, na kotou maua le manavaalofa kia latou ala na pilisoni, ti na kotou tali i le loto fiafia ke too o okoutou koloa, talie e kotou iloa e kotou maua loa ni koloa malilie tukupau mo tologa tuumau.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Apokalipisi 2:9

E kau iloa lou mamae ti mo lou mativa (logo ai e ke mou koloa), ti mo loi fakaveli a latou ala e pati ko Sutea latou kae e leaise lotou Sutea, kae ko se sinakoka latou o Satana.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.