Lua tosi ki le kau Kolinto 5:8 - Tosi Tapu

⁸ e ma apele i le fanaki, ti e ma malie ia ake lama mavae i le tino leinei, o nonofo mo le Aliki.

Lua tosi ki le kau Kolinto 5:8 ပူးပေါင်းရင်းမြစ်များ

Pesalemo 16:11

E ke fakasa mai loa kiate au le ala o le mauli ; E i ai ni fiafia lasi i ou mua, Ni nea malilie lee gato i lou lima atamai.

Pesalemo 17:15

Kae ko au, i lou faitotonu, e kau tio loa ki ou mata ; I le ala ake, e kau makona loa i lou paaki.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Mateo 25:21

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa a koe ke pule ki se nea lasi ; ulu ki le fiafia o lou pule.

Mateo 25:23

Na pati loa lona pule kiate ia : E malie ai, tagata fakasausau agamalie mo agatonu ; na ke agatonu i se ganea ikiiki fua, e kau fakanofo loa akoe ke pule ki se nea lasi ; ulu ki le fiafia o lou pule.

Luka 2:29

I le lakaga nei, Aliki, ke ke tuku la lau tagata fakasausau Ke ano i le tokamalie, o mulimuli ki lau folafola.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 14:3

Ti ka kau ano loa, ti ka kau teuteui loa se nofoaga kia koutou, e kau toe liliu mai loa, ti e kau too loa koutou mo au, o tupu ko le ganea leia e kau nofo ai e kotou nonofo ai foki.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Gaoi 21:13

Ti na tali loa Paulo : Kolea e kotou fai ia, o fetagisi ke fatii ai loku loto ? Talie kua kau teuteu, o leaise gato fua ke saisai au, kae ke kau toe mate foki i Selusalemi o tupu ko le suafa o le Aliki ko Sesu.

Lua tosi ki le kau Kolinto 5:6

Koia e ma apele tuumau ai i le fanaki, ti e ma iloa i la ma nonofo i le tino leinei e ma nonofo mamao mei le Aliki,

Lua tosi ki le kau Kolinto 5:9

Koia foki leia e ma faiga ai ke ma malilie kiate ia, pe ma nonofo i le tino leinei, pe ma mavae i ai.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.

Apokalipisi 22:3

E leaise toe maua loa i ai se tasi leia e malaia : talie e tuu loa i le loto kolo le ekeekeaga fakasau o le Atua ti mo le Akeno ; ti e tausi loa kiate ia ana tagata fakasausau :