Lua tosi ki le kau Kolinto 5:20 - Tosi Tapu

²⁰ Ti ko leinei, e ma fai a gaoi a tagata fakafofoga o Kilisito, o sakinake e fakakolekole le Atua ia maua ; e ma kolekole atu kia koutou i le igoa o Kilisito : Kotou fakatokatoka mo le Atua !

Lua tosi ki le kau Kolinto 5:20 ပူးပေါင်းရင်းမြစ်များ

Lua tosi o Sau 17:13

Na valoki loa e le Eteleno a Iselaele mo Suta ki ana polofeta fuli mo le kau kikite katoa, o pati kia latou : Kotou tafoki mai mei okoutou ala veveli, ti ke kotou tausi aku fakatotonu mo aku lao, o mulimuli katoa ki le lao leia na kau fakatotonu ki okoutou tamana ti na kau soli atu kia koutou i aku tagata fakasausau, le kau polofeta.

Lua tosi o Koloniko 36:15

Na tuku loa e le Eteleno, le Atua o olatou tamana, ki ana polofeta le kavega ke valoki latou koi tautonu, talie na loto a ia ke saofaki lona kakai mo lona nofoaga totonu.

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Sopo 22:21

Koia ke ke pipiki ki le Atua, ti e ke maua loa le tokamalie ; Ti e ke maua loa i ai le fiafia.

Sopo 33:23

Kae kapau e maua loa e ia se aselo ulufaga i ona tafa, Se tasi o tino afe Ala e fakasa ia ki le tagata le ala leia e tonu ke muli ai,

Sopo 33:6

I mua o le Atua e kau tatau mo koe, Na fau au ofaipe koe mei le pela ;

Taagapati 13:17

E fakatupu e se tagata avelogo agaveli le malaia, Kae e ave e le tagata avelogo agatonu le mauli.

Esaia 27:5

Kae kapau e lotou too au ko se mumuniaga, Ti kapau e lotou afa le tokamalie mo au, Io, mo kapau e lotou afa le tokamalie mo au, Ti e leaise kau tutu loa latou.

Selemia 38:20

Ti na tali loa Selemia : E leaise tuku loa a koe kia latou. Fakalogo ki le leo o le Eteleno i le nea leinei kua kau fakasa kiate koe ; e ke maua loa i ai le malie, ti e ke mauli loa.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Luka 14:23

Ti na pati loa le pule ki le tagata fakasausau : Ano ki ala matua ti mo ala vaoa, o fakamakeke latou fuli ala e ke maua loa ke ulu ki loto, o tupu ke apele loku fale.

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 5:11

I lama iloa le sausau o le Aliki, e ma faiga ke fakalotoi a tagata ; e iloa maua e le Atua, ti e kau amanaki e kotou iloa foki maua i okoutou loto.

Lua tosi ki le kau Kolinto 6:1

Talie e ma kaukau gaoi mo le Atua, e ma fakakolekole foki kia koutou ke aua na kotou tuku ke to noa le kalasia o le Atua.

Efeso 6:20

leia kua sai ai au ki ni tini ko lona fakafofoga, ti ke kau masau makeke ki ai, talie tonu ke kau masau fenaaki ki ai.

Kolose 1:20

ti na loto a ia ke fakatokatoka iate ia a nea fuli mo ia totonu, tatau a nea ala i le malama nei ti mo nea ala i le lagi, o fai le tokamalie iate ia i le toto o lona koluse.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.