Lua tosi ki le kau Kolinto 5:18 - Tosi Tapu

¹⁸ Ti ko nea fuli ana e au mei le Atua, leia na fakatokatoka ia tatou mo ia ia Kilisito, ti na soli ia kia tatou le gaoi o le fakatokatoka.

Lua tosi ki le kau Kolinto 5:18 ပူးပေါင်းရင်းမြစ်များ

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 57:19

E kau tuku loa le fakafetai ki ona laugutu. Tokamalie, tokamalie ki leia e mamao ti mo leia e feofi ! e pati le Eteleno. E kau fakamauli loa latou.

Esekiele 45:15

E kotou soli loa se ovi e tasi i se kau manu o ni ovi e kau lelau lua, i faisaga sesega malie o Iselaele, ki le moliga, mo le failaulau mo le sakilifisio fakafetai, o tupu ke momoli ofaipe se vikitima fakamolemole o le agasala, e pati le Aliki, le Eteleno.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Luka 10:5

I fale ala e kotou ulu ki ai, kotou pati mua : Ke nofo le tokamalie i le fale leinei !

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Soane 3:27

Na tali loa Soane : E maua fai e le tagata le nea leia na tuku kiate ia mei le lagi.

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Loma 11:36

Ko nea fuli e tupu meiate ia, e maua iate ia, ti e kaku kiate ia. Kiate ia le kololia i sekulo fuli ! Amene !

Loma 5:1

Koia i lotatou fakamatatonu i le tui, e tou maua ai le tokamalie mo le Atua i lotatou Aliki ko Sesu-Kilisito,

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 11:12

Talie, ofaipe le fafine na too mei le tagata, e tupu foki le tagata mei le fafine, ti e au nea fuli mei le Atua.

Uluaki tosi ki le kau Kolinto 12:6

mo gaoi kesekese, kae ko le Atua fuai e tasi leia e fai ia a nea fuli i tagata fuli.

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Kolose 1:22

o tupu ke fakatuu e ia koutou i ona mua kua maokioki, mo lee mele, ti mo sala valoki,

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Uluaki tosi a Soane 4:10

Ti ko leinei le alofa lena : e leaise ko tatou ala na alofa ki le Atua, kae ko le Atua leia na alofa kia tatou ti na kakau ia mai lona Alo ofaipe se vikitima ke totogi ai atou agasala.