Lua tosi ki le kau Kolinto 5:17 - Tosi Tapu

¹⁷ Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Lua tosi ki le kau Kolinto 5:17 ပူးပေါင်းရင်းမြစ်များ

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Esaia 45:17

Kae ko le Eteleno leia e maua ai e Iselaele le fakamauli, Se fakamauli lee gato. E leaise kotou luma loa pe fakasemala loa, o lee gato.

Esekiele 11:19

E kau soli loa kia latou se loto e tasi, Ti e kau tuku loa kia koutou se laumalie foou ; E kau too loa i olatou tino le mafu fatu, Ti e kau soli loa kia latou se mafu kanofi,

Esekiele 18:31

Kotou tiaki ki mamao akoutou agaveveli fuli ala na kotou agasala ai ; kotou fai kia koutou ni loto foou mo ni laumalie foou. Kolea e kotou mamate ai loa, fale o Iselaele ?

Esekiele 36:26

E kau soli loa kia koutou se loto foou, ti e kau tuku loa kia koutou se laumalie foou ; e kau too loa ia koutou le mafu fatu, ti e kau tuku loa kia koutou se mafu kanofi.

Mateo 12:33

E kotou pati : e malie le laakau, ti e malie lona fua ; e kotou pati foki : e veli le laakau, ti e veli lona fua ; talie e iloa le laakau i lona fua.

Mateo 24:35

E puli loa le lagi mo le kele, kae e leaise toe puli loa aku folafola.

Luka 5:38

Kae e tonu ke tuku le vino foou ki ni utele foou.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 15:5

Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Soane 17:23

ko au ia latou, ti ko koe iate au, o tupu ke lotou liliu maoki ko se nea e tasi, ti ke iloa e le malama nei na ke kakau mai au, ti na ke alofa kia latou ofaipe lou alofa kiate au.

Soane 3:3

Na tali loa Sesu kiate ia : E maoki, e maoki, e kau pati atu kiate koe, kapau e leaise tupu foou se tagata, e leaise feala ke tio a ia ki le puleaga o le Atua.

Soane 3:5

Na tali loa Sesu : E maoki, e maoki, e kau pati atu kiate koe, kapau e leaise tupu se tagata i le vai mo le Laumalie Maokioki, e leaise feala ke ulu a ia ki le puleaga o le Atua.

Loma 16:10

Avake oku alofa kia Apelesi, leia kua mamae o tupu ko lana tui kia Kilisito. Avake oku alofa kia latou o le kaiga o Alisitopule.

Loma 16:11

Avake oku alofa kia Elotione, loku kaiga. Avake oku alofa kia latou o le fale o Nalesise ala e nofo i le Aliki.

Loma 16:3

Avake oku alofa kia Pelesila mo Akilasi, ko oku kaukau gaoi ia Sesu-Kilisito,

Loma 16:7

Avake oku alofa kia Atoloniko mo Suniasi, ko oku kaiga ti ko oku kaukau nea i le pilisoni, ala na alofainai lasi i le kau apositolo ti na uluaki tafoki iate au kia Kilisito.

Loma 16:9

Avake oku alofa kia Ulupano, lomatou kaukau nea gaoi ia Kilisito, ti mo Setakisi, loku alofaaga.

Loma 7:6

Kae i le temi nei, kua fakamavae tatou mei le lao, talie kua tou mamate ki le lao lena na tou pikiia ai, o tupu ke tou tausi i se loto foou, kae e leai i le matai tosi leia kua matua.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Uluaki tosi ki le kau Kolinto 13:11

I le temi leia na kau ikiiki ai, na kau masau ofaipe se toe, ti na kau manatu ofaipe se toe, ti na kau fakakaukau ofaipe se toe ; kae i le temi leia na kau liliu ai o tagata, na kau tuku kese loa a naunau o le toe.

Lua tosi ki le kau Kolinto 12:2

E kau iloa se tagata ia Kilisito, kua sili ki ai ni fetuu e kau agafulu tupu fa, na ave a ia ki le tolu o lagi (pe na ave a ia i lona tino, e leaise kau iloa, pe sala i lona tino, e leaise kau iloa, ko le Atua e iloa ia).

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:28

E leaise koi i ai se Sutea, pe ko se Keleka ; e leaise koi i ai se tagata popula pe lauatea ; e leaise koi i ai se tagata pe ko se fafine ; talie kua kotou liliu fuli ko se nea e tasi ia Sesu-Kilisito.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Kalate 6:15

Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou.

Efeso 2:10

Talie ko tatou ko lana gaoiaga, leia na fakatupu ia Sesu-Kilisito ki ni gaoi malilie, ala na teuteui fakatomua e le Atua, o tupu ke tou fai latou.

Efeso 2:15

Ti kua soloi e ia i lona tino le lao o fakatotonu i ona lekula ; ti kua loto a ia ke fakatupu iate ia kia laua toka lua se tagata foou e tasi, o fakatuu le tokamalie ;

Filipe 4:21

Kotou fakaalofa ake ki le kau sagato fuli ia Sesu-Kilisito. E fakaalofa atu fetaina ala e nonofo mo au.