Lua tosi ki le kau Kolinto 5:15 - Tosi Tapu

¹⁵ ti na mate a ia ki tagata fuli, o tupu ko latou ala e mauuli ke aua na lotou mauli kia latou totonu, kae ki leia na mate ti na toe tuuake o tupu ko latou.

Lua tosi ki le kau Kolinto 5:15 ပူးပေါင်းရင်းမြစ်များ

Lua tosi o Sau 5:17

Koia na pati ai loa Naamane : Ko leinei e leaise ke tali se nea alofa, fakataga ke soli mai ki lau tagata fakasausau se ga kele mei lou fenua o fakauta ki le kavega a ni osi e lua ; talie e leaise toe loto loa lau tagata fakasausau ke momoli ki ni iki ake atua se failaulau mo se sakilifisio, e momoli loa e ia ki le Eteleno toka tasi.

Esekiele 16:6

Na kau fakalaka loa i ou tafa, ti na kau tio loa kiate koe e ke maanu i lou toto, ti na kau pati atu loa kiate koe : Ke ke mauli i lou toto ! Ti na kau toe pati atu kiate koe : Ke ke mauli i lou toto !

Esekiele 37:14

E kau tuku loa loku Laumalie kia koutou, ti e kotou mauli loa ; e kau toe fakanofo loa koutou ki lokoutou fenua, ti e kotou iloa loa ko au le Eteleno, kua kau masau ti kua kau fai a ia, e pati le Eteleno.

Esekiele 37:9

Na pati mai loa a ia kiate au : Kikite, o masau ki le laumalie ! Kikite, vosa o le tagata, o pati ki le laumalie : E folafola le Aliki, le Eteleno, o pati : Laumalie, au i fetuu matagi e fa, agi ki mate anei, ti ke lotou toe mauli !

Apakuki 2:4

Ko leinei, na makita lona laumalie, e leaise sako a ia iate ia ; Kae e mauli loa le tagata agatonu i lana tui.

Sakalia 10:9

E kau veteki loa latou i atu puleaga, Ti e lotou manatui loa au i mamao. E lotou mauli loa mo alatou fanau, ti e lotou toe liliu mai loa.

Luka 1:74

Ke fakataga mai kia tatou, i le oki o lotatou saofaki i lima o otatou fili, Ke tou tausi kiate ia sala i,

Soane 5:24

E maoki, e maoki, e kau pati atu kia koutou, ko leia e fakalogo ki laku folafola, ti mo tui ki leia na kakau ia mai au, e maua e ia le mauli lee gato ti e leaise toe au a ia ki le fakamaau, kae kua fakalaka a ia mei le mate ki le mauli.

Soane 6:57

Ofaipe le Tamana leia e mauli na kakau ia mai au, ti e kau mauli i le Tamana, ko leia e kai kiate au e mauli loa iate au.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Loma 4:25

leia na tuku ke mate o tupu ko atatou agasala ti kua toe tuuake o tupu ko lotatou fakamatatonu.

Loma 6:2

E leai ai ! Ko tatou ala kua mate ki le agasala, e feaki loa ke tou toe mauli i le agasala ?

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Loma 8:10

Ti kapau e nofo Kilisito ia koutou, e maoki, kua mate le tino o tupu ko le agasala, kae e mauli le Laumalie o tupu ko le maokioki.

Loma 8:2

Talie, ko le lao o le Laumalie o le mauli ia Sesu-Kilisito, kua fakalauatea ia au mei le lao o le agasala ti mo le mate.

Loma 8:6

Ko le tokaga ki nea o le kanofi, ko le mate ; kae ko le tokaga ki nea o le Laumalie, ko le mauli mo le tokamalie.

Uluaki tosi ki le kau Kolinto 10:33

Io, ofaipe au foki, e kau faiga i nea fuli ke malie ki tagata fuli, o kau afa, o leai le nea leia e malie kiate au, kae le nea leia e malie ki le toka api, o tupu ke saofaki ai latou.

Lua tosi ki le kau Kolinto 12:10

Koia e kau fiafia i oku gaegae, mo oku lauvelii, mo oku mativa, mo oku fakavelivelii, mo oku mamae, o tupu ko Kilisito ; talie ka kau gaegae, ti e kau makeke loa.

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 5:25

Kapau e tou mauli i le Laumalie, tou saele foki i le Laumalie.

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Kolose 2:12

Ti kua tanu fakatasi koutou mo ia i le papitema, ti kua kotou toe tuuake foki iate ia ti mo ia, i le tui ki le mafimafi o le Atua, leia na toe fakatuuake ia a ia mei le kau mate.

Kolose 3:1

Koia kapau kua kotou toe tuuake mo Kilisito, kotou afa a nea o aluga, i le ganea leia kua nofo ai Kilisito i le lima atamai o le Atua.

Kolose 3:17

I nea fuli ala e kotou fai, i masau mo gaoi, ke kotou fai fuli latou i le suafa o le Aliki Sesu, o fakafetai iate ia ki le Atua le Tamana.

Kolose 3:23

Ko nea fuli ala e kotou fai, ke kotou fai latou i le loto malie, ofaipe ki le Aliki, kae leai ki ni tagata,

Uluaki tosi ki le kau Tesalonika 5:10

leia na mate kia tatou, o tupu ke tou mauli fakatasi mo ia, pe ke tou alaala, pe ke tou momoe.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Uluaki tosi a Petelo 4:6

Koia leia na fakasa ai foki le Evaselio ki le kau mate, o tupu ke fakamaaui latou i le kanofi ofaipe tagata fuli, kae ke lotou mauli i le laumalie o mulimuli ki le Atua.

Uluaki tosi a Soane 4:9

Na fakasa le alofa o le Atua kia tatou i lana kakau mai lona Alo fuatasi ki le malama nei, o tupu ke tou mauli iate ia.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.