Lua tosi ki le kau Kolinto 5:14 - Tosi Tapu

¹⁴ Talie e ekenaki maua e le alofa o Kilisito, talie e ma iloa kapau na mate se toka tasi ki tagata fuli, ti na mamate a tagata fuli ;

Lua tosi ki le kau Kolinto 5:14 ပူးပေါင်းရင်းမြစ်များ

Uluaki tosi o Koloniko 11:18

Ti na fakalaka loa a tagata ana e toka tolu i le nofolaga solia o le kau Filisitini, o asu se vai mei le fa tane leia na tuu i le matapa o Peteleemi. Na lotou aumai loa a ia, o tuku ki mua o Tavite ; kae na leaise loto loa Tavite ke inu a ia, ti na liligi loa e ia a ia i mua o le Eteleno.

Sopo 32:18

Talie kua apele loku loto i masau ; Kua ekenaki au e le laumalie ke masau ;

Katiko o Katiko 1:4

Toso atu au kiate koe ! Ta makape ! Ko loku sau a koe, ave au ki lou kogafale, E ta fiafia loa toka lua, e ta nekenekea loa iate koe ; E ta sua loa lou alofa leia e malie ake i le vino. E tonu ai le mamana o taineliki kiate koe.

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Luka 15:24

talie ko loku vosa leinei na mate, ti kua toe mauli a ia ; na puli a ia, ti kua toe maua a ia. Ti na lotou kamata fakafiafia loa.

Luka 15:32

kae na tonu mua ke tou kai mo fakafiafia, talie ko lou taina leinei na mate kae kua toe mauli a ia, ti na puli kae kua toe maua a ia.

Luka 24:29

Kae na la taofi loa a ia, o pati : Nofo mo maua, talie kua ofi le pouli, ti kua vave oki le aso. Na ulu loa a ia ki fale, ke nofo mo laua.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 11:25

Na pati loa Sesu kiate ia : Ko au ko le toe tuuake mo le mauli. Ko leia e tui kiate au e mauli loa a ia, tatau aifai pe mate a ia ;

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Gaoi 18:5

Kae, i le kaku mai a Silasi mo Timoteo mei Masetonia, na tokaga ata loa a ia ki le folafola, o fakasa ki le kau Sutea ko Sesu ko le Kilisito.

Loma 2:2

Koia, e tou iloa ko le fakamaau a le Atua kia latou ala e fai ia a nea ana e mulimuli ki le maoki.

Loma 5:15

Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito.

Loma 6:13

Ke aua na kotou tuku ki le agasala okoutou koga tino, ofaipe ni nea gaoi o le agasala, kae ke kotou tuku koutou totonu ki le Atua, ofaipe ni tagata mauli kua sao mei le mate, ti ke kotou momoli ki le Atua okoutou koga tino ofaipe ni nea gaoi a le maokioki.

Loma 6:6

o tou iloa na tutuki i le koluse lotatou tagata afea mo ia, o tupu ke puli le makeke o le tino o le agasala, ti ke aua na tou toe popula ki le agasala ;

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Uluaki tosi ki le kau Kolinto 2:14

Kae e leaise tali e le tagata fakanatula a nea o le Laumalie o le Atua, talie ko se valea latou kiate ia, ti e leaise mafai ke iloa e ia latou, talie koi iloa fakalaumalie fai latou.

Lua tosi ki le kau Kolinto 3:7

Ti kapau na fakasa le kololia o le Atua e le gaoi o le mate, leia na tosi ki ni matai tosi i ni fatu, o leaise mafai ke tio a fanau o Iselaele ki mata o Moisese, o tupu ko le gigila o ona mata, logo ai ko se kololia fakatemi a ia :

Lua tosi ki le kau Kolinto 3:9

Talie kapau na kololia ia le gaoi o le fakamalaia, ti e toe fakalaka mamao ake le kololia ia o le gaoi o le faitotonu.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Efeso 6:24

Ke nofo le kalasia ia latou fuli ala e alofa ki lotatou Aliki ko Sesu-Kilisito i se alofa lee popo.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Kolose 3:3

Talie kua kotou mate, ti kua fufu lokoutou mauli mo Kilisito i le Atua.

Uluaki tosi kia Timoteo 2:6

leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu,

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Epelo 2:9

Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.