Lua tosi ki le kau Kolinto 5:12 - Tosi Tapu

¹² Talie e leaise ma fia mata malie atu kia koutou, kae e ma tuku atu kia koutou le faigamalie ke kotou fakakololia ai o tupu ko maua, ti ke kotou maua ai se tali kia latou ala e fakakololia i nea ala e sa i tafa kae e leaise au mei le loto.

Lua tosi ki le kau Kolinto 5:12 ပူးပေါင်းရင်းမြစ်များ

Taagapati 27:2

Tuku ke vikiviki a koe e se tasi kese, kae aua e lou gutu totonu, E se matapule, kae aua e ou laugutu totonu.

Lua tosi ki le kau Kolinto 1:14

I le aso nei kua kotou kamata iloa ko lokoutou kololia ko maua, kae e kotou liliu loa ko loma kololia i le aso o le Aliki Sesu.

Lua tosi ki le kau Kolinto 10:12

E leaise mafai ke ma fia fakatatau ki ni iki o latou ala e fia matamua, talie e lotou fakatuu alotou fua totonu ke fuafua ai latou, ti i lalatou fakatatau latou kia latou totonu, e lotou sala atamai ai.

Lua tosi ki le kau Kolinto 10:18

Talie e leaise ko leia e vikiviki kiate ia totonu e fakamaoki ki ai, kae ko leia e fakamaoki ki ai le Aliki.

Lua tosi ki le kau Kolinto 10:7

E kotou tio ki le nea leia e sa i tafa ! Kapau e pati se tasi e kau a ia kia Kilisito, ke pati a ia iate ia totonu, kapau e kau maoki a ia kia Kilisito, ko maua foki e ma kau kia Kilisito.

Lua tosi ki le kau Kolinto 10:8

Ti kapau foki na kau fakakololia a au totonu o lasi fakaikiiki i le pule leia kua tuku mai kiate au e le Aliki ki lokoutou faufau, kae leai ki lokoutou maumaui, e leaise kau luma ai.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 3:1

Pe ma toe kamata masau kia maua totonu ? Pe aoga kia maua, ofaipe ni iki, ni tosi fakamaoki kia koutou, pe meia koutou ?

Lua tosi ki le kau Kolinto 6:4

Kae e ma faiga ke ma malie kia koutou i nea fuli, ofaipe ni tagata fakasausau a le Atua, i se kataki fualoa i mamae, i mativa, i tutamaki,

Filipe 1:26

o tupu, i laku toe liliu atu kia koutou, ke kotou maua iate au se nea ke kotou fakakololia ai ia Sesu-Kilisito.