Lua tosi ki le kau Kolinto 5:10 - Tosi Tapu

¹⁰ Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Lua tosi ki le kau Kolinto 5:10 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Uluaki tosi o Sau 8:32

ke ke fakalogo kiate ia mei le atu lagi, ke ke gaoi, ti ke ke fakamaaui au tagata fakasausau ; ke ke fakatuaa le tagata agasala, o fakavilo lana agaveli ki lona fa ulu ; kae ke ke tuku lau faitotonu ki le tagata mea.

Uluaki tosi o Sau 8:39

ke ke tali a ia mei le atu lagi, mei le ganea o lou nofoaga, ti ke ke fakamolemole ; ke ke gaoi, ti ke ke totogi ki le tagata taki toka tasi o mulimuli ki ona ala, a koe leia e iloa ia a loto o fanau fuli o tagata,

Sopo 34:11

E liufaki e ia ki le tagata o mulimuli ki ana gaoi, Ti e totogi e ia le tagata o mulimuli ki ona ala.

Pesalemo 62:12

Na masau le Atua o tua tasi ; Na kau logo tua lua ki le nea leinei : Ko le makeke a le Atua a ia.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Ekelesiasi 12:14

Koia ei loku vosa, ke ke ako mei nea ana ; e leaise toe oki loa, mo kapau e loto ke fai se tuuga tosi, ti e fakatupu gaegae ki le tino le ako lasi.

Esekiele 18:30

Koia e pati le Aliki, le Eteleno : E kau fakamaaui loa koutou taki toka tasi o mulimuli ki okoutou ala, fale o Iselaele. Kotou toe liliu mai ti kotou fakasemala ki akoutou agaveli fuli, ke aua na kotou malaia, o tupu ko akoutou agaveveli.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Gaoi 10:42

Ti na fakatotonu mai e Sesu kia matou ke fakasa ki le kakai mo fakamaoki ko ia totonu leia kua fakanofo e le Atua ko le tui fakamaau o le kau mauli mo le kau mate.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 7:3

E leaise kau masau fenaaki atu kia koutou ke tautea ai koutou ; talie kua oki i laku fakasa e kotou nonofo i oma loto ki le mauli mo le mate.

Efeso 6:8

o kotou iloa e tali loa e le tagata taki toka tasi, pe popula, pe lauatea, mei le Aliki o mulimuli ki le malie leia na fai loa e ia.

Epelo 9:27

Kua fakatuutuu ke mate tua tasi a tagata fuli, ti o soko mai loa le fakamaau.

Uluaki tosi a Petelo 4:5

Kae e tonu loa ke lotou fakasa i se aso alatou gaoi ki leia kua teuteu ke fakamaau ia le kau mauli mo le kau mate.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Apokalipisi 22:12

Ko leinei, e kau au vave ; ti e kau aumai loa mo au aku fakapale, ti e kau tufa loa latou ki le tagata taki toka tasi o mulimuli ki lana gaoi.

Uluaki tosi a Samuele 2:10

E lulu loa a fili o le Eteleno ; E fakapa loa e ia lana mana kia latou mei le lagi ; E fakamaau loa e le Eteleno a potupotu o le kele. E soli loa e ia le makeke ki lona sau, Ti e lagai loa e ia le makeke o lana filifiliia.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.