Lua tosi ki le kau Kolinto 4:7 - Tosi Tapu

⁷ E ma amo le koloa lena i ni ipu kele, o tupu ke tuku le makeke lasi lena ki le Atua, kae leai kia maua.

Lua tosi ki le kau Kolinto 4:7 ပူးပေါင်းရင်းမြစ်များ

Sopo 10:9

Manatui na ke gaoi au ofaipe le kele kula ; Pe ke loto ke ke toe fakaliliu au ko le efu ?

Sopo 33:6

I mua o le Atua e kau tatau mo koe, Na fau au ofaipe koe mei le pela ;

Sopo 4:19

Ti e feaki ake loa latou ala e nonofo i ni fale kele, Latou ala na fakatupu mei le kele, Latou ala e feala ke takatakafi ofaipe ni kelemutu !

Tagi laulau a Selemia 4:2

Oiau, ko tama aliki o Sione, Ala na mauiga ofaipe le aulo mea, Kua tioi latou ofaipe ni ipu kele, Gaoiaga o lima o tagata faiipu !

Mateo 13:44

E toe fakatatau foki le Puleaga o le atu lagi ki se koloa leia na fufu i se faigasaga. Ko le tagata leia na maua ia a ia e toe fufu ia a ia ; ti e i lona fiafia, e ano loa a ia o fakatau ana nea fuli ala na maua e ia, ke totogi ai le faigasaga lena.

Mateo 13:52

Ti na pati loa a ia kia latou : Koia ko sekelipa fuli kua ako o uiga mo le Puleaga o le atu lagi, e tatau mo se pule kaiga leia e too ia mei lona koloa ni nea foou mo ni nea afea.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Uluaki tosi ki le kau Kolinto 1:28

ti kua filifili e le Atua a nea veveli o le malama nei, mo nea vesiainai, mo nea noa, ke maumaui ai a nea ala e mauiga ki le malama nei,

Lua tosi ki le kau Kolinto 10:10

Talie e pati : e mamafa mo makeke ana tosi ; kae ka nofo totonu a ia, e gaegae fua a ia, ti e veli lana masau.

Lua tosi ki le kau Kolinto 13:4

Talie na tutuki a ia ki le koluse i lona gaegae, kae e mauli a ia i le mafimafi o le Atua ; ko maua foki, e ma gagae iate ia, kae e ma mauli loa mo ia i le mafimafi o le Atua, o gaoi kia koutou.

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Lua tosi ki le kau Kolinto 5:1

Talie e ma iloa, ka maumaui loa le falela leinei leia e ma nonofo ai i le malama nei, e ma maua ia loa i le lagi se fale leia na fai e le Atua, ko se nofoaga lee gato leia na leaise fai e le lima o tagata.

Lua tosi ki le kau Kolinto 6:10

ofaipe ni tagata e loto mamae, kae e ma fiafia tuumau ; ofaipe ni mativa, kae e ma fakakoloa ia le toka api ; ofaipe ni tagata e leaise maua ia ni nea, logo ai e ma maua a nea fuli.

Efeso 2:5

tatou ala na mamate i atatou patigataa, kua fakamauli e ia tatou fakatasi mo Kilisito (kua kotou mauli i le kalasia) ;

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:27

Na finegalo le Atua ke fakasa kia latou le koloa fakakololia o le misitelio a ia i lotolotoga o le kau pagani, ke iloa : Kilisito ia koutou, ko le amanaki malie o le kololia.

Kolose 2:12

Ti kua tanu fakatasi koutou mo ia i le papitema, ti kua kotou toe tuuake foki iate ia ti mo ia, i le tui ki le mafimafi o le Atua, leia na toe fakatuuake ia a ia mei le kau mate.

Kolose 2:3

misitelio leia e fufu ai a koloa fuli o le poto ti mo le iloa.

Uluaki tosi ki le kau Tesalonika 1:5

Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou.

Uluaki tosi ki le kau Tesalonika 4:4

Koia ke tasi iloa e le tagata o koutou le tausi o lona tino i le maokioki mo le fakaapaapa,

Lua tosi kia Timoteo 2:20

Kae i se fale lasi, e leaise gato fai ki ni ipu aulo mo ni ipu siliva, kae e toe maua foki i ai ni ipu laakau mo ni ipu kele ; ko ni iki ko ni ipu mauiga, kae ko ni iki ko ni ipu masani.

Tuifakamaau 7:2

Na pati loa le Eteleno kia Seteone : E api le kakai leia e nofo mo koe, ke kau tuku ai loa a Matiane ki ou lima ; e feala loa ke fia nealasi Iselaele, o pati : ko loku lima leia na saofaki ia au.