Lua tosi ki le kau Kolinto 4:6 - Tosi Tapu

⁶ Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Lua tosi ki le kau Kolinto 4:6 ပူးပေါင်းရင်းမြစ်များ

Senesi 1:3

Na pati loa le Atua : Ke sa le malama ! Ti na sa loa le malama.

Pesalemo 63:2

Ei Atua ! ko koe ko loku Atua, e kau afa a koe. E fia inu loku laumalie kiate koe, e oli loku tino kiate koe I se kele malo, mo fia inu, mo sala vai.

Pesalemo 74:16

A au le ao, a au le pouli ; Na ke fakatupu le malama mo le laa.

Pesalemo 90:16

Ke sa lau gaoiaga ki au tagata fakasausau, Ti mo lou kololia ki alatou fanau !

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 60:2

Ko leinei, e uufi e le pouli le malama nei, Ti e le fakapouli matotolu a kakai ; Kae kiate koe e sopo ake le Eteleno, Kiate koe e sa lona kololia.

Luka 10:22

Kua tuku mai kiate au a nea fuli e loku Tamana. E leaise iloa e se tasi pe ko ai le Alo, ko le tamana toka tasi fai ; ti e leaise iloa e se tasi pe ko ai le Tamana, ko le Alo toka tasi fai ti mo leia e loto le Alo ke fakasa a ia ki ai.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 11:40

Na pati loa Sesu kiate ia : Pe na leaise kau pati atu kiate koe, kapau e ke tui, ti e ke tio loa ki le kololia o le Atua ?

Soane 12:41

Na pati loa Esaia ki nea ana, i lana tio ki lona kololia, ti mo lana masau kiate ia.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Uluaki tosi ki le kau Kolinto 12:8

Talie kua soli e le Laumalie ki le tasi se masau o le poto ; ki se tasi ake se masau o le iloa i le Laumalie fuai e tasi ;

Lua tosi ki le kau Kolinto 2:10

Koia ko leia e kotou fakamolemole ki ai, e kau toe fakamolemole foki ki ai, ti ko le nea leia kua kau fakamolemole ki ai, mo kapau na kau fakamolemole ki se nea, na kau fai a ia o tupu ko koutou, i mua o Kilisito,

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Filipe 2:6

Ko ia, na natula tatau a ia mo le Atua, kae na leaise tio a ia ki lona tatau mo le Atua ofaipe se nea ke tatai fakamakeke,

Kolose 1:15

Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 6:4

Talie e leaise mafai ai kia latou ala kua oki i le fakamalamai tua tasi, ala kua kai ki le nea alofa mei lagi, ti kua kau ki le Laumalie Maokioki,

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.