Lua tosi ki le kau Kolinto 4:17 - Tosi Tapu

¹⁷ Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Lua tosi ki le kau Kolinto 4:17 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Pesalemo 119:67

I mua o loku fakamamaei, na kau sese ; I le aso nei e kau fai lau folafola.

Pesalemo 119:71

E malie kiate au ke tuku au ki lalo, O tupu ke kau ako au fakatuutuu.

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 31:19

Ke mate noa a laugutu loi, Ala e masau fia tuu ki le tagata agatonu, Ala e masau matasoka mo fia lasi !

Pesalemo 73:24

E ke taki loa au i lou poto, Ti e ke tali loa au i lou kololia.

Esaia 26:20

Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Numelo 5:28

Kae kapau na leaise fakakelekele le fafine kae na mea malie a ia, ti e sao loa a ia i le malaia, ti e feala loa ke toe maua e le fafine ni ana fanau.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Luka 6:23

Kotou fiafia i le aso lena ti kotou soposopo i le fiafia, talie e lasi loa lokoutou fakapale i le lagi ; talie na fai fenaaki e le kau polofeta ki olatou tamana.

Gaoi 20:23

Kae ko leinei, kua fakamaoki kiate au le Laumalie Maokioki, e talitali mai loa kiate au ni sai mo ni mamae i kolo fuli.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Loma 8:18

E kau pati, e leaise gali ke fakatatau a mamae o le temi nei ki le kololia ka au, leia ka fakasa loa kia tatou.

Loma 8:34

Ko ai ka tautea ia loa latou ? Ko Kilisito leia na mate ; ti kua toe tuuake foki a ia, ti kua nofo a ia i le fetuu atamai o le Atua, ti e faikole a ia kia tatou !

Loma 8:37

Kae i nea fuli ana, e motou malo lasi i leia e alofa kia tatou.

Uluaki tosi ki le kau Kolinto 2:9

Kae, ofaipe lona tuu i le tosi : Ko ni nea ala na leaise tio ki ai le mata, ti na leaise logo ki ai le taliga, ti na leaise ulu ki le loto o le tagata, ko ni nea ala na teuteui e le Atua kia latou ala e alofa kiate ia.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Filipe 1:19

Talie kau iloa e maliu loa le nea lena ki loku fakamauli o tupu ko akoutou faikole ti mo le tokoi a le Laumalie o Sesu-Kilisito ;

Lua tosi ki le kau Tesalonika 1:4

Koia e motou fakakololia ai o tupu ko koutou i Ekelesia o le Atua, i lokoutou kataki fualoa ti mo lakoutou tui i loto malie o fakaveliveli ti mo mamae ala e tonu ke kotou tali.

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Lua tosi kia Timoteo 2:10

Koia e kau katakii ai a nea fuli o tupu ko le kau filifiliia, o tupu ke lotou maua foki le mauli leia ia Sesu-Kilisito, ti mo le kololia lee gato.

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Uluaki tosi a Petelo 4:7

Kua ofi le fakaoki o nea fuli. Koia ke kotou popoto mo alaala, o tokaga ki le faikole.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,