Lua tosi ki le kau Kolinto 4:10 - Tosi Tapu

¹⁰ E ma fafa tuumau i oma tino le mate o Sesu, o tupu ke fakasa foki le mauli o Sesu i oma tino.

Lua tosi ki le kau Kolinto 4:10 ပူးပေါင်းရင်းမြစ်များ

Soane 14:19

Koi toe fua se ga temi ikiiki, ti e leaise toe tio loa le malama nei kiate au ; kae ko kotou, e kotou tio loa kiate au, talie e kau mauli, ti e kotou mauli loa mo koutou foki.

Loma 6:5

Talie, kapau kua tou liliu ko se laakau e tasi mo ia i latatou fakatatau ki lona mate, e tou toe fenaaki foki i latatou fakatatau ki lona toe tuuake ;

Loma 6:8

Koia kapau kua tou mate ai mo Kilisito, e tou tui e tou toe mauli loa foki mo ia,

Loma 8:36

Ofaipe le nea leia e tuu i le Tosi : Se tupu ko koe, e tuku ai matou ki le mate i le aso fuli, Ti e tio ai kia matou ofaipe ni ovi ke ave ki le fale tamate manu.

Lua tosi ki le kau Kolinto 1:5

Talie kapau e lasi mamae o Kilisito ia maua, e toe lasi foki loma fakafimalie ia Kilisito.

Lua tosi ki le kau Kolinto 1:9

Kae na ma tio kua tuku maoki maua ki le mate, o tupu ke aua na ma fanaki kia maua totonu, kae ki le Atua leia e toe fakatuuake ia le kau mate.

Lua tosi ki le kau Kolinto 13:4

Talie na tutuki a ia ki le koluse i lona gaegae, kae e mauli a ia i le mafimafi o le Atua ; ko maua foki, e ma gagae iate ia, kae e ma mauli loa mo ia i le mafimafi o le Atua, o gaoi kia koutou.

Lua tosi ki le kau Kolinto 4:11

Talie ko maua ala e mauuli, e tuku tuumau maua ki le mate o tupu ko Sesu, o tupu ke fakasa foki le mauli o Sesu i oma tino mate gaofie.

Kalate 6:17

Koia ke aua na fakamamae loku loto e se tasi, talie e kau maua i loku tino a fakamailoga o Sesu.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Lua tosi kia Timoteo 2:11

E maoki le masau leinei : Kapau kua tou mate mo ia, e tou mauli loa mo ia ;

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !