Lua tosi ki le kau Kolinto 4:1 - Tosi Tapu

¹ Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Lua tosi ki le kau Kolinto 4:1 ပူးပေါင်းရင်းမြစ်များ

Esaia 40:30

Ko tupulaga koi tupu e gaegae ti e kaekae ; Ti ko le kau tupulaga kua katoa e sisiga ki lalo ;

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Selemia 45:3

E ke pati : Malaia kiate au ! Talie kua fakalasi e le Eteleno loku mamae ki ni iki ake mamae ; kua kau gaegae i le tagi, ti e leaise kau maua fua se ga malolo.

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Uluaki tosi ki le kau Kolinto 7:25

O uiga mo latou ala e taupoou, e leaise kau maua ni fakatotonu mei le Aliki, kae e kau tuku atu laku manatu, ofaipe se tagata leia kua tali ia mei le Aliki le kalasia ke agatonu.

Lua tosi ki le kau Kolinto 3:12

Koia i lama maua le amanaki malie lena, e ma apele loa i le loto toa,

Lua tosi ki le kau Kolinto 3:6

Ko ia foki leia na teuteui ia maua ke ma liliu ko ni tagata gaoi o se sai foou, leai o le matai tosi, kae o le Laumalie ; talie e tamate e le matai tosi, kae e saofaki e le Laumalie.

Lua tosi ki le kau Kolinto 4:16

Koia e leaise ma loto gaegae ai. Ti kapau foki e maumau loma tagata i tafa, e fakafoou loma tagata i loto i le aso taki tasi.

Lua tosi ki le kau Kolinto 5:18

Ti ko nea fuli ana e au mei le Atua, leia na fakatokatoka ia tatou mo ia ia Kilisito, ti na soli ia kia tatou le gaoi o le fakatokatoka.

Kalate 6:9

Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.

Efeso 3:13

Koia e kau kole ai kia koutou ke aua na kotou loto gaegae o tupu ko mamae ala e kau tali ia o tupu ko koutou : ko lokoutou kololia latou.

Filipe 4:13

E kau mafai a nea fuli i leia e fakamakeke ia au.

Lua tosi ki le kau Tesalonika 3:13

Kia koutou, fetaina, aua na kotou kaekae i le fai o le malie.

Uluaki tosi kia Timoteo 1:13

a au leia na nofo i mua ko se tagata fatituu ki le Atua, ko se tagata fakaveliveli, ko se tagata agamakeke. Kae na manavaalofa le Atua kiate au, talie na kau fai a nea ana i le fakapouli, talie na leaise kau tui ;

Epelo 12:3

Koia, ke kotou tokaga mua ki leia na kataki ia le agatuu lasi lena mei le kau agasala, o tupu ke aua na kotou kaekae mo loto gaegae.

Uluaki tosi a Petelo 2:10

koutou ala na leaise ko se kakai i mua, kae kua liliu i le temi nei ko le kakai o le Atua, koutou ala na leaise maua ia lona manava alofa, kae kua kotou maua a ia i le temi nei.

Apokalipisi 2:3

e ke maua le kataki fualoa, ti na ke mamae o tupu ko loku suafa, ti na leaise ke loto gaegae.